Digeriñ al lañser pennañ
LogoLiseDiwan.jpg

Lise Diwan Karaez eo al lise kentañ krouet gant Diwan. E Karaez emañ, e-kichen kastell Kerampuilh. Digoret e voe lise kentañ Diwan e miz Gwengolo 1994 er Releg-Kerhuon (Kerc'horr), evel ur seurt stagadenn eus Skolaj Diwan ar Releg (Skolaj Diwan Roparz Hemon en amzer-se). Kaset e oa bet da Garaez e miz Gwengolo 1999.

Brudet e krog al lise-mañ da vezañ dre ma vez disoc'hoù mat-kaer en arnodennoù ar vachelouriezh c'hall, ar feur trec'hiñ a vez bepred etre 90 % ha 100 % a loreidi (e 2006: 96 % -- 100 % er rummad L -- 94% e 2003, 93% e 2004, 96% e 2005, 99% en 2007[1], 90% e 2008 [2] tremen 98% e 2009 [3].)

Hiziv an deiz ez eo meret gant ur genrenerezh : Loeiz Donal, Lomig Bosser-An Dren ha Paol Mingant.

Krouet ez eus bet ur gevredigezh skolidi gozh anvet Diwanet.

Notennoù ha daveoùAozañ