Listenn departamantoù gall Katalonia

Goude an Dispac'h Gall e 1789 ha krouidigezh an departamantoù er Rouantelezh C'hall e 1790 ez eas armeoù ar Republik C'hall da aloubiñ broioù all hag e voe krouet departamantoù nevez ganto en Izelvroioù, ha war-lerc'h gant Bonaparte e Spagn, en Alamagn, en Italia.

An Impalaeriezh c'hall kentañ (1812) gant 4 departamant kreisteiz Katalonia.

Bouches-de-l'Èbre, un departamant etre 1812 ha 1814.

Pevar departamant a voe krouet e Spagn e 1812, el lodenn eus Katalonia a zo er c'hreisteiz d'ar Pireneoù eta, rak un departamant gall all a oa e Katalonia an Hanternoz abaoe 1791, anvet Pyrénées-Orientales.

Roll an departamantoù gall e Katalonia

Anv	Pennlec'h	Padelezh
Bouches-de-l'Èbre	Lleida	1812-1813
Bouches-de-l'Èbre-Montserrat	Barcelona	1813-1814
Montserrat	Barcelona	1812-1813
Sègre	Puigcerdà	1812-1813
Sègre-Ter	Girona	1813-1814
Ter	Girona	1812-1813

Departamantoù 1813

D'ar 7 a viz Meurzh 1813 e voe lakaet ar pevar departamant d'ober daou :

• Bouches-de-l'Èbre-Montserrat, diwar gendeuziñ Bouches-de-l'Èbre ha Montserrat (pennlec'h : Barcelona )
• Sègre-Ter, diwar gendeuziñ Sègre ha Ter (pennlec'h : Girona)

Hiriv

Abaoe 1814 ne chom nemet un departamant gall ken e Katalonia, ar Pyrénées-Orientales, gant Perpinyà da gêr-benn.