Listennad an anvioù-verboù hep dibenn anv-verb

Un toullad anvioù-verboù brezhonek n'o deus ket a zibennoù da verkañ an anv-verb.

Dibennoù-verb

Gwelout ar pennad: Dibennoù an anv-verb

Merkoù zo d'an anv-verb e brezhoneg. Lavaret ha skrivet e vez:

digeriñ (pe digoriñ)
gallout, gwelout
kemmañ,
kregiñ (pe krogiñ)
labourat, lavarout
sellout
echuiñ

Arabat kemmeskañ an anv-verb ha pennrann ar verb (a dalvez da stummañ an doare-gourc'hemenn) : digeriñ / digor !, labourat / labour !

Listennad verboù

Sed amañ ar verboù anavezetañ ha muiañ implijet ha n'o deus dibenn ebet ; lod anezho a c'hall kaout un dibenn anv-verb pe meur a hini, ha meneget int er rannbennad izeloc'h.

A	ambroug • anzav • argas • arsav • astenn • aters
B	bale • barn • breskenn
CH	cheñch • choaz • chom
C'H	c'hoari
D	dale • daskor • daspugn • dastum • degas • degemer • desav • desev • dezrevell • diarbenn • dibab • difenn • dilenn • dinac'h • diroll • diskar • diskenn • diskouez • dispenn • dispign • displeg • diwall • diwan • dizarbenn • dizolo • dizon • dougen ("dougenn" e Leon)
E	embann • endramm • eskemm • espern
F	flach
G	golo • goro • gortoz • gouarn • goullonder • gourc'hemenn • gourdrouz • gouren • gourvez • gouzañv
H	harz • heuilh
I	implij • intent
K	kas • kelenn • kemenn • kemer • kemmesk • kempenn • kinnig • klask • klemm • kofes • koll • kompren • komz • koroll • kutuilh
L	lenn
P	paouez • pellgomz • pourchas • pourmen • prezeg
R	rebech • ren • resev • respont
S	sarmon • selaou • servij • sikour • son • stourm
T	tamall • tañva • touch • tremen
Y	yun

Verboù daou stumm dezho

Hep dibenn ebet pe gant unan

Verboù zo, hag a vez alies hep dibenn, a c'hall kaout unan a-wechoù

barn, barnañ

chom, chemel

daskor, daskoriñ

harz, herzel, harzañ
heuilh, heuliañ

implij, implijout

kemer, kemerout
kinnig, kinnigen
kofes, kofesaat

servij, servijout
son, seniñ

yun, yunañ

Gant meur a zibenn

fiziañ, fiziout
gweskel, gwaskañ
herzel, harzañ
stekiñ, stokañ
stlepel, stlapañ
trec'hiñ, troc'hañ

Levrlennadur

Yezhadur bras ar brezhoneg, Frañsez Kervella, Skridoù Breizh
Pok din, Jozefin, Mark Kerrain, Sav-Heol.