Llanbadarn Fawr

Ur bajenn disheñvelout Llanbadarn zo.

Llanbadarn Fawr zo ur gumuniezh hag ur gêriadenn eus Kembre, stag ouzh Aberystwyth, e kontelezh Ceredigion. Er reter da greiz-kêr Aberystwyth emañ.

Iliz parrez Llanbadarn Fawr, gouestlet da sant Padarn ; un iliz eus 1257.

Istor ha savadurioù

E-touez ar savadurioù dibar zo e Llanbadarn Fawr emañ an iliz-parrez, gouestlet da sant Padarn pe Padern, un iliz vistr, romanek darn anezhi, savet en XIII^vet kantved e-lec'h un iliz koshoc'h bet savet gant sant Padarn (Paternus) er VI^vet kantved.

Er vered, e-kichen an iliz, emañ bez ar c'heltiegour breizhat Arzel Even, a dremenas un darn eus e vuhez e Kembre.

Dre Llanbadarn Fawr e tremen an tren bihan a ya eus Aberystwyth da Bontarfynach, a-hed ar stêr Rheidol.

Tud brudet

• Dafydd ap Gwilym, ur barzh kembraek eus an XIII^vet kantved, a voe o vevañ e Llanbadarn Fawr. En unan eus e varzhonegoù anavezet, Merched Llanbadarn, e kont penaos e selle ouzh ar merc'hed en iliz e-lec'h selaou ar beleg.
• Arzel Even, yezhour brezhonek, a zo interet eno.

Skeudennoù

• 
  Tren traoñienn ar Rheidol
• 
  An davarn Gogerdann Arms

Liammoù diavaez

• Lec'hienn iliz Sant Padarn