Louise Marie Adélaïde de Bourbon
Louise Marie Adélaïde de Bourbon, moranvet « Mademoiselle d'Ivry », ha goude « Mademoiselle de Penthièvre », dugez Chartrez (1769-1785) ha goude dugez Orléans (1785-1821) ganet e Paris en Hôtel de Toulouse d'an 13 a viz Meurzh 1753 ha marvet e kastell Ivry-sur-Seine d'an 23 a viz Mezheven 1821 a oa ur briñsez a wad eus ar re binvidikañ.
| Reizh pe jener | plac'h  |
|---|---|
| Bro ar geodedouriezh | Frañs |
| Anv e yezh-vamm an den | Marie-Adélaïde de Bourbon |
| Anv-bihan | Louise |
| Titl noblañs | dug, duchess, priñsez |
| Deiziad ganedigezh | 13 Meu 1753 |
| Lec'h ganedigezh | Hôtel de Toulouse |
| Deiziad ar marv | 23 Mez 1821 |
| Lec'h ar marv | Ivry-sur-Seine |
| Doare mervel | abeg naturel |
| Abeg ar marv | Krign-bev ar vronn |
| Lec'h douaridigezh | Dreux Royal Chapel |
| Tad | Louis-Jean-Marie de Bourbon |
| Mamm | Maria Teresa Felicita d'Este |
| Breur pe c'hoar | Louis Alexandre de Bourbon, Prince of Lamballe, Louis Marie, Duke of Rambouillet, Jean Marie, Duke of Châteauvillain, Vincent, Count of Guingamp |
| Pried | Louis Philippe d'Orléans |
| Kompagnun(ez) | Jacques-Marie Rouzet |
| Familh | Tiegezh Bourbon |
| Yezhoù komzet pe skrivet | galleg |
| Micher | brientin |
| Perzhiad e | Dispac'h Gall |
Tiegezh
kemmañMerc'h e oa da Louis Jean Marie de Bourbon, dug Pentevr, ha d'e bried Maria Teresa Felicita d'Este. Pa varvas he breur henañ Louis-Alexandre, priñs Lamballe, en 1768, e teuas da vezañ pinvidikañ pennhêrez ar rouantelezh c'hall, susitourez madoù he zad-kozh, kont Toulouse, mab bastard divastardet da Loeiz XIV.
He buhez
kemmañ
Pemzek vloaz e oa-hi en 1768 pa varvas he breur henañ ha pa vanas pennhêrez pinvidik evel ar mor. Kement-se a sachas evezh Louis Philippe d'Orléans (1747-1793), dug Chartrez, 20 vloaz, mab henañ dug Orléans, penn skourr yaouañ an tiegezh roueel, kenderv a bell d'ar plac'h yaouank. Koulskoude e oa-hi eus ur skourr bastard, un dra vezhus er metoù-se, met kreñvoc'h e oa c'hwezh an arc'hant d'an dug pan eas da c'houlenn dorn ar goantenn. Kendirvi d'ar roue Loeiz XVI e oant o -daou. Digant he zad he doe dugelezhioù Châteauvillain, Arc-en-Barrois, ha Carignan (Ardennes). E Versailhez e voe lidet an eured d'ar 5 a viz Ebrel 1769.
.jpg)
He bugale
kemmañO bugale e oa :
- ur verc'h (ganet-marv e 1771) ;
- Louis-Philippe (1773- 1850), dug Chartrez, ha goude dug Orleañs, roue ar C'hallaoued e 1830 evel Louis-Philippe Iañ;
- Antoine Philippe d'Orléans ( 1775–1807), dug Montpensier ;
- Louise Marie Adélaïde Eugénie (1777–1847), « Mademoiselle de Chartres » (1777), « Mademoiselle d'Orléans » (1782), goude-se Mademoiselle (1783-1812), Madame Adélaïde (1830) ;
- ur verc'h (1777-1782), « Mademoiselle d'Orléans », marvet da 5 bloaz;
- Louis Charles d'Orléans (1779-1808), kont Beaujolais.
Levrlennadur
kemmañ- E. Delille, Journal de la vie de S.A.S. la duchesse d'Orléans, Paris, 1822. Ouvrage trop favorable à la duchesse écrit par son secrétaire particulier
- Michel de Decker, La Duchesse d'Orléans, Épouse de Philippe-Égalité et mère de Louis-Philippe, réédition chez Pygmalion 2001, (ISBN 2-85704-693-6) (Première édition Librérie Académique Perrin 1981, sous le titre La Veuve Égalité)