Lur sterling

Al lur sterling (saozneg: pound sterling), (arouez: £; kod ISO: GBP), anvet alies lur saoz e brezhoneg (dre fazi, pa n'eo nemet unan anezho), eo unanenn voneiz ar Rouantelezh-Unanet, dalc'hidigezhioù ar gurunenn, evel Enez-Vanav ha Jerzenez, hag un nebeud tiriegezhioù tramor. Unan eus ar 4 moneiz pennañ eus ar bed eo.

Arouez al lur sterling

Rannet eo al lur sterling e 100 penny (liester: pence).

Gerdarzh

• 1 lur saoz (1 pound) = 453,6 gramm
• 1 sterling = 1 penny en arc'hant

Moarvat diwar ar c'hrennsaoneg sterre, "steredenn'" (c. 1300 ; star er saozneg a-vremañ), peogwir e veze stered war lod pezhioù moneiz norman ; er bloavezhioù 1560 e voe ledanaet ster ar ger sterling da "moneiz ken mat hag ar sterling" hag adalek c. 1600 e talvezas kement ha "moneiz ar Saozon".

• 1 £ = 453,6 gramm pence arc'hant.

Meur a lur sterling

Bro-Saoz ha Bro-Gembre

Graet e vez gant al lur saoz e Bro-Saoz ha Bro-Gembre, embannet gant Bank Bro-Saoz. N'o deus ur mon dezvel nemet eno.

Bro-Skos

E Bro-Skos e vez graet gant al "lur skos", embannet gant 3 bank, gant aotreegezh Bank Bro-Saoz. N'o deus mon dezvel ebet avat: lurioù sterling evel ar reoù all ez int.

Norzhiwerzhon

4 bank a embann bilhedoù evit Norzhiwerzhon, evel e Bro-Skos n'o deus mon dezvel ebet.

Liammoù diavaez

• (en) (de) Lur sterling
• (en) (de) Lur sterling (Bro-Skos)
• (en) (de) Lur sterling (Norzhiwerzhon)