Maen-hir Kerloaz

Peulvan

Maen-hir Kerloaz zo ur peulvan bras e Plouarzhel, e Bro-Leon. Ar peulvan uhelañ eo e-touez ar re a zo en o sav c'hoazh en Europa[1], gant 9,50 metr uhelder.

MONUMANT Monumant istorel ISTOREL
Kerloas menhir.JPG
Maen-hir pe peulvan Kerloaz

Savet e voe war-dro 5000 bloaz zo. Graet eo gant greunit eus an Aber Ildud. War-dro 150 tonenn eo e bouez. Abaoe 1883 eo gwarezet gant melestradurezh ar Monumantoù istorel[2].

En XVIIIvet kantved e voe dibennet gant ar gurun. A-raok e save betek 12 metr uhelder. Hiziv c'hoazh e c'hall bezañ gwelet a-bell, war-dro 30 km tro-war-dro, dre m'emañ war un dorgenn 132 m uhelder. Gwechall e talveze da verk d'ar vartoloded er c'horn-bro.

Bosoù ront zo o valirañ a bep tu d'ar peulvan, ur metr bennak diouzh an douar. Kontañ a reer e teue an dud nevez d'en em frotañ outo gwechall, ar baotred evit kaout mibien, hag ar merc'hed evit bezañ mestrez an ti.

SkeudennoùAozañ

NotennoùAozañ

  1. Sigfried J. de Laet La préhistoire de l'Europe Éditions Meddens, 1967 - 212 pajenn, p. 86
  2. Diaz Mérimée


Liammoù diavaezAozañ

Muioc'h a restroù diwar-benn

a vo kavet e Wikimedia Commons.