Mougev Fingal zo ur vougev vor anavezet evit he c'hlevidikted, lec'hiet en Enez Stafa e rannvro Na h-Eileanan a-staigh, e Bro-Skos. Ur Mirva Naturel Broadel (National Nature Reserve) eo, perc'hennet gant an aozadur Urras Nàiseanta na h-Alba (National Trust for Scotland)[1].

Mougev Fingal

Digor ar vougev, en aod Su Enez Stafa
Lec'hiadur Earra-Ghaidheal agus Bòd

Banniel Bro-Skos Bro-Skos
56°26'52,945" N 6°21'2,161" W

Kavadenn 1772 gant Sir Joseph Banks
Douarouriezh Red bazaltek eus ar Plioken
Digoroù 1 hepken
Mentoù • Donder : 85 m

• Uhelder : 20–23 m

Leuniet e vez ar vougev pa vez lanv.

Diwar Fingal, haroz ar stirad barzhonegoù The Ossian Poems ("Barzhaz Oisean") embannet adalek 1760 gant ar barzh hag istorour skosat James Macpherson (1736-1796), e teu an anv[2].

An Uamh Bhin ("Ar Vougev Heson") e oa an anv gouezelek betek 1772, pa voe adanvet Fingal's Cave gant an naturelour ha louzawour saoz Joseph Banks (1743-1820) diwar haroz oberenn J. Macpherson.

Istor kemmañ

Mogerioù ar vougev en he fezh zo pileroù bazalt c'hwec'hkognek stummet diwar ur red lava c'hoarvezet er Plioken ha par d'an hini a stummas Chaoser ar Ramzed e Norzhiwerzhon[3]. En Enez Ulbha, nepell diouzh Enez Stafa, ez eus frammoù damheñvel ivez.

En tri lec'h-se e koazhas hag e faoutas gorre laez ha traoñ al lava kalet p'edo o yenaat en ur stummañ pileroù pevarc'hognek ; tamm-ha-tamm e troas ar pileroù da c'hwec'hkognek dre faoutoù a-skouer gant o gorre[4].

Tra ma kendalc'he al lava da yenaat e tonaas ar faoutoù war-du kreiz ar red, ar pezh a roas ar pileroù c'hwec'hkognek hir a weler hiziv. Stummoù damheñvel a weler er fank disec'het, abalamour d'ar sec'hor e-lec'h d'ar yenijenn[5].

Klann MacQuarrie a oa perc'henn war inizi Ulbha ha Stafa betek 1777.


En arzoù kemmañ

 
Staffa, Fingal's Cave
J. M. W. Turner, 1832
Yale Center for British Art, New Haven, CT
Sonerezh
Livouriezh
Lennegezh
  • Jules Verne a veneg mougev Fingal en e romantoù Voyage au centre de la Terre (1864), L'île mystérieuse (1875), ha Le rayon vert (1882).
Sinema
  • Mougev Fingal a weler er film When Eight Bells Toll (Étienne Périer, 1971)[7].

Levrlennadur kemmañ

Liammoù diavaez kemmañ

Notennoù kemmañ