Neomak
| Neomak | |
| Bro orin |  Euskal Herria
|
|---|---|
| Doare(où) | Liesvouezhiek, hengounel, elektronek |
| Bloavezhioù oberiant | Adalek 2019 |
| Label(ioù) | Airaka |
| Izili | Eneritz Aulestia |
kemmañ  |
|
Neomak zo ur strollad liesvouezhiek euskarat bet krouet e Gipuzkoa e 2019. Kanerezed eo ar seizh maouez, en em eil gant tri akordeon diatonek (eskusoinu txiki), taboulinoù karrezek (pandero), taboulinoù-stirlink (pandero ivez) ha sonerezh elektronek.
-
Eskusoinu txiki -
Pandero karrezek -
Pandero-stirlink
Kent sevel Neomak e oa ar seizh maouez sorginak — eilerezed[1] — ar soner akordeon hengounel Kepa Junkera (Bilbao, 10 a viz Ebrel 1965) war meur a leurenn er bed a-bezh.
Teir c'hanerez zo genidik eus Arrasate ; eus Asteasu, Deba, Zarautz ha Zizurkil eo ar peder arall[2].
Hent
kemmañGoude endevout sonet ha kanet a-goubladoù en tournamantoù kan-hag-akordeon en em vodas ar sorginak tro-dro da Gepa Junkera e 2014, ha tro ar bed a rejont : Alamagn, Bro-C'hall, Danmark, Maroko, Polonia, Portugal, SUA hag arall[3].
Pa c'hoarvezas ur gwallzarvoud gant Kepa Junkera e 2018 e voe paouezet gant an troiadoù, hag ar seizh sorgina a savas al laz Neomak, a rankas paouez ivez en abeg d'ar bedreuziad COVID-19. Pa voe peuzechu e c'halljont monet war meur a leurenn kent embann o fladenn gentañ, Neomak e 2022.
War leurenn vras Gouel Broadel ar Brezhoneg e Langoned e voent o kanañ d'ar 1añ a viz Gouhere 2023[4].
Pladennoù
kemmañ- 2022 : Neomak, Airaka 010[5]
Notennoù
kemmañ- ↑ Eilerezed an doueez Mari er wengelouriezh euskarat eo ar sorginak (unander : sorgina).
- ↑ (eu) Emziviz gant Irati Gutierrez da-geñver embann albom Neomak. Kavet : 02/07/2023.
- ↑ (eu) Naiz, 08/03/2022. Kavet : 02/07/2023.
- ↑ (br) GBB. Kavet : 02/07/2023.
- ↑ (eu) BADOK. Kavet : 02/07/2023.