Oberiadur brezel Korventenn Goañv
Oberiadur brezel korventenn goañv (alamaneg: Unternehmen Wintergewitter), a oa bet un argadenn alaman e miz Kerzu 1942 war Dalbenn ar Reter en Eil Brezel-bed. Ar 4re Arme alaman Panzer ne oa ket deuet a-benn da derriñ ar seziz soviedat a enkelc'hie ar 6vet Arme Alaman e-kerzh Emgann Stalingrad.
_und_T34.jpg)
| Rann eus | emgann Stalingrad  |
|---|---|
| Lec'h | Volgograd |
| Deiziad | 23 Kzu 1942 |
| Deiziad kregiñ | 12 Kzu 1942 |
| Deiziad echuiñ | 23 Kzu 1942 |
E fin miz Du 1942 e oa deuet al Lu Ruz a-benn da echuiñ gant an Oberiadur brezel Uranus, o kelc'hiañ 300 000 ezel eus an Ahel e-barzh ha tro-dro kêr Stalingrad. An nerzhioù alaman e godell Stalingrad ha war an trowardroioù a oa bet adurzhiet (22 a viz Du 1942) en ur Strollad Arme an Don ha lakaet dindan urzhioù ar Feldmarschall Erich von Manstein. An Arme Ruz he doa kendalc'het da zegas ar muiañ a nerzhioù posubl evit tizhout palioù an Oberiadur brezel Saturn da droc'hañ ar Strollad Arme A diouzh peurrest an Arme Alaman. Evit klask talañ ouzh ar gudenn-se e oa bet al Luftwaffe o klask pourveziañ an nerzhioù alaman e Stalingrad gant ur pont aer. En desped da bromesaoù Göring, ne oa ket bet posubl gant al Luftwaffe tizhout ar pezh a oa bet rakwelet. Ne chome nemet, a-benn neuze, da glask terriñ ar seziz dre un argadenn, ha kement-mañ ar buanañ ar gwellañ rak ar pourvezioù a groge da ziskenn. Evel respont d'an taol dreist gant ar Soviediz en doa savet Manstein an Oberiadur brezel Korventenn Goañv.
Ar steuñv diazez, a oa ennañ peder divizion arme panzer. D'an nebeutañ eo ar pezh a oa bet prometet da Manstein. En gwirionez, pennoù uhel al lu alaman ne oant ket gwall domm da wanaat lodennoù all eus an talbenn en ur fiñval dizionoù panzer. A-benn ar fin e oa bet fiziet ar c'hefridi digeriñ un hent kilañ d'ar 6vet Arme enkelc'hiet d'ar 4re Arme Panzer hag a oa labezet dija, ha renet gant Hermann Hoth. An nerzh alaman a oa bet o stourm a-enep meur a arme soviedat hag a oa kefridiet gant riñsañ an nerzhioù alaman enkelc'hiet.