Ouragan bras 1780
Sellet e vez ouzh Korventenn veur 1780 evel ouzh ar gelc'hwidenn drovanel varvusañ bet biskoazh er Meurvor Atlantel. E-tro 22 000 a dud a gavas o marv pa voe freuzet-lip Martinik, Sint Eustatius ha Barbados etre an 10 hag ar 16 Here.[1] Miliadoù a dud a varvas war vor ivez.
 Korventenn veur 1780
| |
|---|---|
| Marvusañ korventenn er Meurvor Atlantel | |
_areas_affected.png) (salv Bermuda) | |
| Ganedigezh | 9 Here 1780 |
| Marv | 20 Here 1780 |
| Avelioù brasañ | 325 km/h |
| Gouzañvidi | 22 000 |
| Lec'hioù skoet | Antilhez Bihanañ Bermuda Hispaniola Puerto Rico (+ Florida ha lod Stadoù SUA ?) |
Ar gorventenn
kemmañSkoet e voe ar mor Karib e-kreiz an Dispac'h amerikan (1765-1783). Ker e voe ar priz paeet gant lestrazoù Breizh-Veur ha Frañs a oa o keveziñ o-daou a-benn chom mestr war an takad. Strewet ha gwallgaset gant ar gorventenn e voe lestraz an amiral breizhveuriat George Rodney, a oa o treizhañ etre New York hag an Antilhez. En em gavet e Barbados e kavas an amiral e oa bet graet peñse gant eizh diwar an daouzek lestr-brezel en doa laosket war e lerc'h hag e oa marvet an darn vrasañ eus ar vartoloded e bourzh.
An ergerzher kaset di da c'houde evit priziañ ar reuz a gavas e oa chomet daou zevezh-pad ar gorventen war al lec'h. Ken bras e oa ar reuz ken ma kavas d'an ergerzher, e gaou, e oa bet ur c'hren-douar war un dro gant ar gorventenn. Peuzskubet e oa bet an enezenn. Dousennadoù a vigi-pesketa a vankas distreiñ. Kement familh war an enez, koulz lavaret, a gollas unan kar e-pad ar gorventenn.
Korventennoù 1780
kemmañDibar eo bet koulzad ar c'horventennoù e 1780, pa c'hoarvezas teir c'horventenn a voe pennkaoz da marv mil den pep hini anezho da nebeutañ, an teir anezho e-kerzh miz Here.[1]
Ur bloavezh rekord evit an tarchoù heol abaoe kantvedoù e voe 1780. E-pad kelc'hiad dreistuc'hek an heol e-tro 1775-1785 e c'hoarvezas un niver uhel ha divoas a gorventennoù - 3 war an dek vrasañ, 6 war ar 25 varvusañ renablet er pevar c'hantved a-raok[2] Goude-se ne voe ket adkavet un niver ken bras a darchoù produet gant an heol a-raok begoù kelc'hiadoù 1958, ha 200-2002, al live hollek uhelañ gant an obererezh heolel en ur ober kantadoù a vloavezhioù[3].
Korventennoù er Meurvor Atlantel
kemmañ
E-touez ar c'horventennoù marvus-tre all er Meurvor Atlantel emañ Galveston (1900) ha Mitch (1998).
Evit keñveriañ, nebeutoc'h eget 2 000 a dud a voe lazhet gant Katrina er bloaz 2005
| Korventennoù marvusañ er Meurvor Atlantel | |||
|---|---|---|---|
| Renk | Anv | Bloaz | Tud lazhet |
| 1 | "Korventenn veur" | 1780 | 22 000 |
| 2 | Mitch | 1998 | 9 000 – 18 000 |
| 2 | "Galveston" | 1900 | 8 000 – 12 000 |
| 2 | Fifi | 1974 | 8 000 – 10 000 |
| 2 | Republik Dominikan" | 1930 | 2 000 – 8 000 |
Levrlennadur
kemmañ- (en) Patrick J. Fitzpatrick : Natural Disasters: Hurricanes, ABC-CLIO Inc., 1999 (ISBN 978-1-57607-071-0)
Notennoù
kemmañ- ↑ 1,0 ha1,1 (en) 'NOAA, 28 Mae 1995. Kavet : 15/06/2021.
- ↑ (en) 'NOAA'. Kavet : 15/06/2021.
- ↑ (en) 'Space.com'. Kavet : 15/06/2021.