Panakeia

Panakeia (Πανάκεια / Panákeia e gregach) a oa merc’h d'an doue Asklepios (a oa mab da Apollon) ha da Lampetia, hag unan eus doueed ar yec'hed.

Panakeia o sikour ur c'hlañvour. Munud gant ar medisin J. Gazola (1716).

Sikour a rae he zad gant he c'hoarezed ha pareañ a rae an holl gleñvedoù gant he louzoù, he c'hoar Iaso o vezañ doueez ar pare ha Hygieia hini ar yec'hed hag an diwall diouzh ar c'hleñvedoù.

Breudeur ha c'hoarezed

Pevar breur he doe:

• Podaleirios, a voe medisin ha roue Trikka, a ouie anavezout kleñvedoù an dud,
• Mac'haon, roue Trikka, ivez, surjian, a voe lazhet e-pad brezel Troia gant Penthesileia, rouanez an Amazonezed;
• Telesforos, a chomas da skoazellañ e dad doue
• Arato, an haroz a zieubas Sikyon.

C'hoarezed:

• Aigle

Gerioù

• Dont a ra Panakeia eus "panakés" (hollbareañ) diwar "pan", holl, hag "akos", pare, a vije a-orin gant hor ger "yac'h"^{(Daveoù a vank)}.
• Diwar hec'h anv e teu ar gerioù saoznek ha gallek "panacea", "panacée".
• An anv Iaso ivez, a deu eus ar gregach iasthai, pareañ, a vije kar d'hor ger yac'h^{(Daveoù a vank)}.

Bruderezh evit ul louzoù e 1903

Liammoù diavaez

• E saozneg:[1]