Pelec'h ez ez 'ta, Tonton Laou

Pelec'h ez ez 'ta, Tonton Laou zo ur ganaouenn vrezhonek war un ton dañs-tro.

Orin

Dastumet eo bet gant Cheun ar C'hann, ur c'henderv da Wennole ar Menn hervez an akordeoñser Bernard Lasbleiz.

E 1950 e voe embannet gant Emgleo Breiz el levrig Digor an abadenn, hag adembannet e 1985.

An niverenn 509 eo e lec’hienn Per Kentel, ha kinniget evel eus kornad Rostrenenn.

Komzoù

1. Pelec'h ez ez 'ta, Tonton Laou Gant da gozh kazeg rouan ? — Kerzhout a ran 'trezek foar Faou 'Vit he gwerzhañ, ma c'hellan — Kamm eo da gazeg paour Diaes e vo he gwerzhañ ! 'Viti, e-lec'h kaout arc'hant Kemer va buoc'h gwellañ	2. Pelec'h ez ez 'ta, Tonton Laou Da gas da vuoc'h dialan ? — Kerzhout a ran 'trezek foar Faou 'Vit he gwerzhañ, ma c'hellan — Me 'gred ez eo klañv-bras Ne gavo ket prener ! 'Vit da relegoù kras 'Po va femoc'h tener	3. Pelec'h ez ez 'ta, Tonton Laou Gant ur pemoc'h 'vel hemañ ? — Kerzout a ran 'trezek foar Faou 'Vit e werzhañ, ma c'hellan — Treut eo da bemoc'h kaezh 'Dalvez ket daou wenneg 'Vit va gavr mat d'al laezh Trok an aotrou reunek
4. Pelec'h ez ez 'ta, Tonton Laou Gant Begekig, ker buan ? — Kerzout a ran 'trezek foar Faou 'Vit he gwerzhañ, ma c'hellan — Da c'havrig zo biskorn Hag he zezh zo dister Dao amañ, sko em dorn : Da c'havr 'vit va mezher	5. Ar mezher oa kozh ha roget Penaos gwerzhañ seurt pilhoù ? Met p'edo 'vont d'e daol er mor E tigoras e c'henoù : — Petra 'oa en e douez ? Daouzek mil pemp kant lur ! Biskoazh pebezh souezh Ha brasañ plijadur !	6. Echu ar foar gant Tonton Laou Ha distro da Gêrgongar — Penaos eo tremenet an traoù ? — Mat-tre, n'az pez ket glac'har Gwerzhet eo ar gazeg, Setu ur pezh yalc'had : Gouest eo ur genaoueg D'ober meur a daol mat"