Philippe Léveillé
Philippe Léveillé zo ur c'heginer breizhat broadet italian ganet e 1963 e Naoned. Brudet eo en Italia dreist-holl e lec'h ma labour abaoe 30 vloaz, e Lombardia. Div steredenn zo gant e breti Miramonti l'altro.
| Reizh pe jener | paotr  |
|---|---|
| Bro ar geodedouriezh | Frañs |
| Anv-bihan | Philippe |
| Deiziad ganedigezh | 27 Gou 1963 |
| Lec'h ganedigezh | Naoned |
| Yezhoù komzet pe skrivet | galleg, italianeg |
| Micher | cooking researcher, keginer, chef |
Ganet e voe Philippe Léveillé e Naoned d'an 27 a viz Gouere 1963. E dad a oa istrer e Kankaven. Ober a reas skol letierezh Saumur, ha goude e labouras e pretioù cheuc'h e Pariz, New York, Rogliano e Korsika, Martinik, Arc'hantina, Brazil, Venezuela ha Ròcabruna Caup Martin en Okitania. E miz Kerzu 1987 ez eas d'en em staliañ en Italia ha da zigeriñ e breti e Concesio (proviñs Brescia), Miramonti l'altro e anv. Div steredenn Michelin zo gantañ bremañ. E 2013 e tigoras ur preti italian e Hong-Kong, L'altro, ha gounit a reas ur steredenn ur pennadig amzer goude.
Keginañ a ra gant amann breizhat, hini Bordier, ar pezh a zo dic'hortoz e bro an eoul olivez. A hend-all ne labour nemet gant produioù italian.
Kemeret en deus perzh en abadennoù skinwel italian : MasterChef, Pechino Express, hag all hag all.
Levrioù
kemmañ- Philippe Léveillé, La mia vita al burro ("Ma buhez gant amann", buhezskrid), 2015, Giunti Editore, Firenze-Milano, ISBN=978-88-09-80973-4
- Philippe Léveillé, Riccardo Camanini, Iginio Massari, Segni di stelle ("Sinoù steredennoù"), 2016, La Compagnia della Stampa – Massetti Rodella Editori, Roccafranca, ISBN=978-88-8486-715-5
Liammoù diavaez
kemmañ- (it) Philippe Léveillé war identitagolose.it, gant Alessandra Meldolesi, 25 a viz C'hwevrer 2019
- (it) Philippe Léveillé war italiangourmet.it, 25 a viz C'hwevrer 2019
- (it) Centro Arte, Scienza e Tecnologia dell'Alimento – Docenti: Philippe Léveillé war castalimenti.it, 25 a viz C'hwevrer 2019
- (fr) Inconnu en France le chef nantais est une star en Italie, pennad Ouest-France, 24 a viz Ebrel 2021
- (fr) Philippe Léveillé, un Breton en Lombardie depuis 20 ans war lhotellerie-restauration.fr, 16 a viz C'hwevrer 2009