Rhodri ap Gruffudd
Rhodri ap Gruffudd, pe Roderick Fitz Griffin gouez d'ar Saozon, ganet war-dro 1230 ha marvet war-dro 1315, a oa ur priñs eus Gwynedd en XIIIvet kantved, mab da Gruffudd ap Llywelyn Fawr hag e bried Senana . Tri breur en doa: Llywelyn ap Gruffudd, Dafydd ap Gruffudd hag Owain ap Gruffudd. Div c'hoar en doa: Gwladus ferch Senana ha Margaret ferch Senana. N'ouzer ket pe an henañ pe ar yaouañ e oa.
E vuhez
kemmañGanet e oa e deroù ar bloavezhioù 1230. E dad Gruffudd ap Llywelyn Fawr a oa mab bastard da Llywelyn Fawr, roue Gwynedd. Eus e vugaleaj n'ouzer hogos netra. Pa varvas e dad-kozh e 1240 eo gant e eontr Dafydd ap Llywelyn, lezvreur e dad, ez eas ar gurunenn ha n'eo ket gant e dad a oa ar mab henañ. Ha kenkent ar priñs Dafydd nevez da vac'hañ Gruffudd.
E varv
kemmañA-benn 1282 (ha marteze a-raok) e oa deuet Rhodri da vout perc'henn maner Bidfield e Gloucestershire. Dimezet e oa da Beatrice de Malpas, merc'h un tiegezh pinvidik eus Cheshire, ha ganti he doa prenet an domani.
Pa varvas e bried ec'h addimezas d'ur vaouez anvet Catherine ha war-dro 1309 en doa prenet maner Tatsfield e Surrey.
Mervel a reas Rhodri war-dro 1315.
Evel breur diwezhañ bev Llywelyn Olaf,, goude 1283, e c'hallje bezañ bet lakaet da hêr kurunenn Gwynedd, ha da Briñs Kembre kenkoulz all.
Dimeziñ ha bugale
kemmañDimeziñ a reas div wech:
- gant Beatrice, merc'h David, eus Malpas.
- gant ur vaouez anvet Catherine, peuzdianav deomp.
- Eus e eil pried en doe ur mab, Thomas ap Rhodri (marvet e 1363) a voe tad da zaou vugel:
- Owain Lawgoch (marvet e 1378).
- Katherine, a zimezas da Gruffydd ap Gwenwynwyn, a oa eus an tiegezh De La Pole.
Levrlennadur
kemmañ- Spencer Smith, "The end of The House of Gwynedd: Excavation of a Medieval Welsh Manor Complex in Tatsfield, Surrey".