Rozenn Talec
| Rozenn Taleg | |
| |
Rozenn Talec ha Yannig Noguet (Yaouank 2015).
| |
| Anv | Rozenn Talec |
|---|---|
| Ganet | 25 a viz Gouere 1986 Karaez -  Breizh
|
| Micher(ioù) | Kanerez |
| Doare(où) | Sonerezh hengounel, folk |
| Bloavezhioù oberiant | abaoe 2011 |
| Label(ioù) | Coop Breizh |
| Lec'hienn ofisiel | www.rozenntalec.bzh |
| Endro | Yannig Noguet, Gilles Servat, Marthe Vassallo, Kreiz Breizh Akademi, Erik Marchand |
kemmañ  |
|
Rozenn Taleg zo ur ganerez, ur vestrez-skol ha mestrez-sonerezh hag ur saverez kanaouennoù vreizhat, ganet d'ar 25 a viz Gouere 1986 e Karaez.
Buhez kemmañ
An diskaner Jean-Claude Talec eo he zad. Taleg tad ha merc'h zo o strollad. Desavet eo bet e Sant-Hern e lec'h ma chom bev hengoun ar c'han ha diskan. Desket he deus ar brezhoneg e kelenndi|gelenndioù hag he doe graet studioù war ar brezhoneg e Skol-veur Roazhon 2.
E 2010 ez eas da heuliañ ur prantad studi brezhonek war c'hwec'h miz evit mont da vezañ mestrez-skol divyezhek.
Dilennet e voe kuzulierez-gêr Rostrenenn e 2020 hag anvet dileuriad evit ar brezhoneg eno.
Remzad arzel kemmañ
Estreget he zad he doe kanet gant meur a arzour, breizhat pe get, an akordeonour, Yannig Noguet, d'an aliesañ, hag un toullad reoù all. Troiadoù he doe graet en Indez, e Alamagn, e Turkia, e Hungaria...
Aozañ a ra atalieroù sevel kanaouennoù ingal.
Nes ?, un arvest c'hoariva ha sonerezh awenet gant oberennoù Filomena Kadored he doe krouet da geñver kantved bloaz goude marv ar varzhez-se. Savet e voe an arvest e-pad an annez arzourien e mediaoueg Mouezh ar galon, e Tourc'h[1].
War leurennoù ar festoù-noz e ya da c'hoari ingal hag e salioù arvest liesseurt ivez.
E Gouere 2023 e e voe karget aozañ un fest-noz bras da geñver kantved Gouelioù-Meur Kerne ha deuet e voe 4 800 dañser e kreiz ar gêr.[2].
Pladennoù kemmañ
- 2011 : Marvailhoù asamblez gant Jean-Claude Talec
- 2011 : Elektridal asamblez gant Kreiz Breizh Akademi n°3 hag Erik Marchand (Innacor/Coop Breizh)
- 2013 : Mouezh an Diaoul asamblez gant Yannig Noguet (Coop Breizh)
- 2014 : Leiz an Dorn asamblez gant Lina Bellard (Kolam Dic’hortoz/Coop Breizh)
- 2015 : Gali Galant asamblez gant Yannig Noguet (Coop Breizh)
- 2016 : Daou Don Dañs asamblez gant Bodénès Hamon Quintet (Paker Prod/Coop Breizh)
- 2016 : Chadenn asamblez gant Le Bour Bodros Quintet (Paker Prod/Coop Breizh)
- 2019 : Dindan Dilhad Dindan asamblez gant Talec-Noguet Quartet (Coop Breizh)
Levrlennadur kemmañ
Liammoù kemmañ
Notennoù ha daveennoù kemmañ
- ↑ Rozenn Talec en résidence à la médiathèque de Tourc’h. E-barzh Ouest-France, 22 Genver 2023.
- ↑ https://www.ouest-france.fr/festivals/cornouaille/rozenn-talec-invite-au-fest-noz-du-siecle-pour-les-100-ans-du-cornouaille-a-quimper-bc91d128-1288-11ee-b076-527e9844b9d5 Rozenn Talec invite au « fest-noz du siècle » pour les 100 ans du Cornouaille à Quimper. E-barzh Ouest-France, 25 Gouere 2023.