Skourjez
Ur skourjez (deuet eus ar ger latin excoriare, "kignat", diwar corium, "kroc'hen"), zo ur benveg lêr, gant un troad koad alies, graet evit skeiñ, war al loened pe war an dud, hag evit gloazañ. Gallout a ra al lêrenn pe an troad bezañ hir pe hiroc'h. Meur a lêrenn a vez a-wechoù.
StrakAozañ
Tizh al lêrenn pa vez hejet a c'hall ober un trouz, ur strak. An trouz-se eo a servij da labourat gant loened.
LoenedAozañ
Pa labourer gant loened e servij ar skoujez da strakal da reiñ da c'houzout d'al loened e rankont sentiñ d'an urzh roet dezho.
En Aostralia evel er broioù "gaucho" (Arc'hantina, Brazil, Uruguay) e reer gant skourjezioù lêr penn-da-benn ha hir-mat. Ur fiselenn a vez e beg al lêr da lakaat ar skourjez da strakal.
TudAozañ
KastizAozañ
Skourjezañ tud a vez graet ivez. Ar skourjez he nav lêrenn a veze implijet gwechall war listri saoz da gastizañ ar vartoloded. Skoulmoù a veze graet el lêrennoù peurvuiañ, d'ober muioc'h a boan.
ArmAozañ
Ur skourjez a veze gant mestr ar c'haleourien o roeñvat war ar galeoù roman evel war ar re a veze gant broioù Europa er Mor Kreizdouarel er XVIIvet kantved. Un arm eo ar sjambok, pe litupa etre daouarn poliserien Suafrika.