Skridaozer

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Ar skridaozer a zo an den a sav skridoù hag e c'hell bezañ kevatal da oberour, met peurvuiañ e vez kaoz eus skridoù savet evit ur mareadeg (n'eus forzh peseurt seurt kelaouenn), ur geriadur pe un holloueziadur hag evit ar mediaoù skingaset (skingomz, skinwel).

Skridaozerioù ar c'helaouennoù (hag an holl vediaoù)

Er gwask koulz hag er mediaoù skingaset e vez implijet meur a skridaozer evit sevel pennadoù-skrid hag abadennoù skingaset. Er c'helaouennoù brasañ, ar pemdeziegoù, da skouer, e kaver kantadoù a skridaozerien, kelaouennerien a-vicher an holl anezho. Ar skridoazañ a vez graet eus an holl skridaozerien ha renet e vezont gant renerien ar skridaozañ (pe pennskridaozerien). Sevel ar pennadoù a zo ar skridaozerezh.

Skridaozerien ar Wikipedia

Ul labour skridaozañ a ra ar Wikipedourien kuit dezho bezañ paeet. Setu perak e vez implijet skridaozer evit pep a den a zegas tammoù testennoù pe testennoù hir d'an hollouezadurioù meret gant ar Wikimedia. N'o deus ket renerien ar skridaozañ, met c'hoant ober traou a-feson ha doujañs e-kenver ar genskridaozerien a zo o fennskridaozerien difetis.