Sozialistische Einheitspartei Deutschlands
Sozialistische Einheitspartei Deutschlands, SED (alamaneg a dalvez Strollad sokialour unvan Alamagn) a oa strolad politikel pennañ DDR.
Istor kemmañ
E miz Ebrel 1946 e c'houlennas ar Soviediz digant izili SPD ha re KPD a oa en tiriad aloubet ganto ma vefe kendeuzet an daou strollad ha ma vefe savet ur strollad marksour-leninour nemetken. Sed penaos e voe krouet SED, an aozañ o vezañ heñvel ouzh hini Strollad komunour URSS[1],[2]. E penn ar strollad e voe lakaet ar c'homunour Wilhelm Pieck hag ar sokial-demokrat Otto Grotewohl. E penn DDR e voe SED betek diskar moger Berlin e 1989. Kadarnaet e voe e berzh pennañ e bonreizh DDR 1968, ar pezh a badas betek ar 1añ a viz Kerzu 1989.
Pa voe diskaret DDR e teuas SED da vezañ PDS e 1990, gant ar breutaer Gregor Gysi en e benn. Ar gomunourien na sajvont ket a-du a savas KPD nevez (en:Communist Party of Germany (1990)), ma kemeras perzh Erich Honecker ennañ.
Da-geñver dilennadegoù 2005 e voe un emglev etre PDS ha WASG (kaset gant Oskar Lafontaine) gant an anv Die Linkspartei («Strollad an tu-kleiz»). An daou strollad a gendeuzas e 2007 hag evel-se e voe krouet Die Linke.
Roll ar re bet e penn SED kemmañ
- 21 a viz Ebrel 1946 : kendalc'h kentañ SED. Wilhelm Pieck hag Otto Grotewohl en e benn.
- 24 a viz Gouere 1950 : Walter Ulbricht e penn SED.
- 3 a viz Mae 1971 : Erich Honecker.
- 18 a viz Here 1989 : skarzhet Honecker, Egon Krenz a gemer e blas.
- 3 a viz Kerzu 1989 : Egon Krenz a goll e bost.
Notennoù kemmañ
- ↑ Histoire de l’Allemagne, XIX- XX siècle. Le long chemin vers l’Occident, Heinrich August Winkler, Fayard, 2005, ISBN 2213624437, p.571
- ↑ L’histoire de l’Allemagne contemporaine, levrenn 2, Gilbert Badia, Messidor-Editions sociales, 1987
|
Porched Alamagn – Adkavit pennadoù ha rummadoù Wikipedia a denn da Alamagn. |