Stade Brestois New York
Stade Brestois New York zo ur c'hlub Mell-droad amatour e kêr New York.
Hennezh oa bet badezet e giz-se trugarez d'e sponsor, ar c'hlub mell-droad a vicher anvet Stad Brest 29[1].
| Bretoned e New York | |
|---|---|
| |
| Ditouroù hollek | |
| Anv klok | Stade Brestois New York |
| Anvioù kent | Stade breton (1955-2012) Merlus de NY (2008-11) |
| Lesanv | Un, daou, tri, bevet Breizh ! |
| Krouidigezh | 1955 Stade breton[n 1] 201/2012 Stade Brestois NY[n 2] |
| A-vicher | 1955 - 2005 |
| 'Sez | 311 W 51 Street Manhattan, NY 10019 |
| Prezidant | Charles Kergaravat |
| Gourdoner | Charles Kergaravat |
| Stadion | Sara D. Roosevelt Park |
| Livioù | Ruz ha Gwenn |
     Er gêr
| |
| Internet | bzh-ny.org |
Istor ar vell-droad vrezhonek e New York
kemmañBloavezhiadoù ar Stade Breton
kemmañKalz sportoù zo bet ijinet gant an Amerikaned : Amerikan football, baseball, basketball hag all.
Koulskoude, ur sport a oa da vezañ brudet e-touez an enbroidi eus Europa pe Azïa : ar vell-droad, pe soccer e-giz ma vez lavaret er Stadou-Unanet, peogwir o deus kaset anezhañ ganto : Mec'hikaned, Italianed, Bretoned, hag all.
E giz-ze e voe krouet ar gevredigezh kentañ evit lakaat asambles Bretoned e New York er bloaz 1955[2] Bretoned en em gave er Stade Breton ma c'hellent komz brezhoneg,[3]. c’hoari bouloù, seniñ, dañsal ha traoù a bep seurt evel pa oant er Vro.
Peotramant e veze brudet ar Stade Breton a-drugarez d’e skipailh mell-droad. Hennezh oa mat a-walc'h, gant c’hoarierion a-vicher en o mesk. Gounezet en devoa ar Stade Breton kalz krogadoù, ha peder gwech e oa aet ar maout gantañ en New York State’s Cup : heñvel eo ar gib-se ouzh Coupe de France Bro-C'hal
Galloudus ha pinvidik oa ar Stade Breton abalamour d’ar preti Tout Va Bien, ul lec'h brudet e New York abaoe pell ha hiziv c’hoazh. Jean-Pierre Touchard e oa ar perc'henn, un den hegarat eus ar Mor-Bihan.
Finvezh ar Stade Breton ha ganedigezh Merlus de New York
kemmañE deroù an XXIvet kantved e voe aozet ar skipailh gant c’hoarierion na oant ket eus Breizh pe eus Bro-C'hall : da etrebroadel e oa troet ar Stade Breton. Jean-Pierre Touchard ha Tout Va Bien o doa klasket kuitaa ar Stade Breton.
Peogwir n'en doa ket c’hoant ken d'en em chalañ, e krouas e 2006 ar gevredigezh BZH New York gant Amerikaned-Bretoned yaouankoc'h eus an eil oad. E 2008 e voe sinet ur sponsorship agreement gant BZH NY hag FC Lorient, ar c'hlub mell-droad a vicher.
Badezet Merlus de New York e voe ar skipailh rak gwisket evel ar Merlus de Lorient ; c’hoarïa raent en ur bern kampionadou amatour en Enez Manhattan. Ar skipailh-mañ oa aze evit brudañ sevenadur Breizh er Bed Nevez, hag ur c'hiz vat eo ar vell-droad evit brudañ BZH NY, eme he frezidant yaouank Charles Kergaravat, eus ar Mor-Bihan ivez.
Setu perak e oa daou glub mell-droad evit ar Vretoned e New York, adalek 2008 betek 2012 : ar Stade Breton, sponsorizet gant Tout Va Bien, hag ar Merlus de NY, aozet gant BZH New York. An hini kentañ oa brudet met war goshaat e oa, ha an eil a oa o kreskiñ.
Kendeuzadur skipailh Stade Breton ha skipailh Merlus
kemmañE-Pad ar c'houlzad 2011/12 e cheñchas an traoù evit ar pobloù-se : divizet en doa Jean-Pierre Touchard ne oa ket ezhomm ken eus div gevredigezh vrezhonek en Aval Bras, setu e paouezas gant sponsorship 'Tout Va Bien. Evit ar wech diwezhañ e oa en em zegouezhet ganto tud Stade Breton e miz Mae 2012, ha netra ken da c'houde.
E keit ma oa troc'het al liamm etre Tout va Bien ha Stade Breton 'oa aet kuit ar Merlus de NY evit kempenn ur skipailh mell-droad sikouret gant Stade Brestois 29, ur c'hlub a-vicher all eus Breiz-Izel. Laosket he deus BZH NY he roched Merlus evit hini SB29.
Goude-se e voe krouet ur skipailh nevez gant tud eus Stade Breton ha re eus Merlus de NY, anvet Stade Brestois NY bremañ. Bremañ e c'hall BZH NY brudañ Breizh hag ar sevenadur keltiek e New York[4].
Da skouer e vez aozet bep bloaz ar Celtic Cup gant Scotch NY ha Welsh NY a-wechoù, ha sur avat gant Irish Network. Ne vez ket aes gounit enep tud Iwerzhon gwech ebet, abalamour d’o Fighting Spirit. Ha da echuiñ ivez ez eus un emglev gant bigi a Vro-C'hall : ma teufent da New York e c’hoarifent un abadenn mell-droad enepto.
SB NY hiziv an deiz
kemmañNetra brasoc'h zo bet gounezet gant ar Vretoned eus New York abaoe o c'hrouidigezh e 2008, e-keit ma oa bet Stade Breton o c’hoari e tro-serr an NY State Cup, ar c'hlub istorel aet da get e 2012. Hogen, klask a raint kentoc'h tapout ar maout en Urban Soccer pe er YMCA Championship a-raok fin ar bloaz 2013 ha kastizañ paotred Iwerzhon evel e bloazhioù 2009, 2010, 2011 ha 2012[5].
Skipailh 2012
kemmañ
|
|
Pennadoù kar
kemmañLiammoù diavaez
kemmañNotennoù
kemmañ- ↑ STADE BRESTOIS NY. BZH NY (miz Eost 2012).
- ↑ Diaspora. Ar Mên (23 'viz Genver 2010).
- ↑ Kentel vrezhonek e New York. Fans de Bretagne (2 'viz Mae 2011).
- ↑ MANIFESTADEG EVIT AR YEZHOÙ RANNVRO E NEW-YORK. France3 Bretagne (16 'viz C'hwevrer 2012).
- ↑ Mell-droad mod brezoneg e New York (NY) e neus cheñchet ennañ.. An-Amzair (30 'viz Kerzu 2012).
|
Porched Breizh – Adkavit pennadoù ha rummadoù Wikipedia a denn da Vreizh. |