Sun Yat-sen

den
Reizh pe jener	paotr
Bro ar geodedouriezh	Republik Sina (1912-1949), Tierniezh Qing
Anv e yezh-vamm an den	孫逸仙
Anv-bihan	Wen, Yixian, Zhongshan
Anv-familh	Sun, Nakayuma
Courtesy name	載之
Anv e kana	そんぶん
Deiziad ganedigezh	12 Du 1866
Lec'h ganedigezh	Cuiheng
Deiziad ar marv	12 Meu 1925
Lec'h ar marv	Peking Union Medical College Hospital
Doare mervel	abeg naturel
Abeg ar marv	krign-bev an avu
Lec'h douaridigezh	Sun Yat-sen Mausoleum
Tad	Sun Dacheng
Mamm	Madame Yang
Breur pe c'hoar	Sun Mei
Pried	Lu Muzhen, Chen Cuifen, Haru Asada, Kaoru Otsuki, Soong Ching-ling
Bugel	Sun Fo, Sun Wan, Fumiko Miyagawa, Sun Yan
Yezhoù komzet pe skrivet	saozneg, yezhoù sinaek
Yezh implijet dre skrid	saozneg
Lec'h orin	Dongguan
Micher	politiker, mezeg, prederour
Implijer	Nanjing University
Karg	Extraordinary President of the Republic of China, Great President of the Republic of China
Lec'h annez	San Francisco, Haxell's Hotel
Lec'h labour	Hong Kong
Strollad politikel	Kuomintang, Tongmenghui
Bet war ar renk da vezañ dilennet	1911 Republic of China provisional presidential election
Relijion	Congregational churches
Grad milourel	generalissimo
Brezel	Xinhai Revolution
Ezel eus	Tiandihui, Frañmasonerezh
Prizioù resevet	Order of Merit for National Foundation

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.

Sun Yat-sen (Sūn Yixiān e pinyin ; ganet d'an 12 a viz Du 1866; marvet d'an 12 a viz Meurzh 1925) a oa un dispac'hour ha politikour sinat. Dre ma oa e-touez ar re vrudetañ e Sina vroadelour ez eo anavezet evel Tad Bro Republik Sina. Roll Sun a voe a-bouez evit diskar an dierniezh Qing, an dierniezh diwezhañ e Sina, adalek miz Here 1911. Kentañ prezidant da-c'hortoz Republik Sina e voe, pa voe savet e 1912. Kensevel a reas diwezhatoc'h ar c'hKuomintang (KMT) ma voe e rener kentañ. Un den unvaner e oa Sun e Sina war-lerc'h an Impalaeriezh, ha n'eus nemetañ e-touez politikourien Sina an 20vet kantved a zo ken priziet e daou du strizh-mor Taiwan.

Sun eo an anv-familh.

Daoust ma vez sellet outañ evel unan eus renerien veur Sina a-vremañ e voe ret dezhañ stourm diehan ha divroañ e-pad e vuhez politikel. Da heul trec'h an dispac'h ez eas buan e-maez ar galloud ha ren a reas meur a ouarnamant dispac'hour a-enep ar vac'htierned a reolie ul lodenn vras eus ar vro. Ne vevas ket Sun pell a-walc'h evit gwelout e strollad o kreñvaat er vro. Goude ma voe marvet e tisrannas e strollad, en doa graet ur c'henemglev bresk gant ar gomunourien, e daou. Hêrezh vrasañ Sun a zo e brederouriezh politikel, anvet "Teir bennaenn ar Bobl": broadelouriezh, demokratelezh, ha padusted ar bobl.

Anvioù

Sun a oa ganet evel Sun Wen (kantoneg: Syūn Màhn; 孫文), e anv gwirion hervez hêrez en dije ranket bezañ Sun Deming (Syūn Dāk-mìhng; 孫德明). Pa oa bugel e oa lesanvet Tai Tseung (Dai-jeuhng; 帝象). E anv sevended a oa Zaizhi (Jai-jī; 載之), hag e anv badez a oa Rixin (Yaht-sān; 日新). Pa oa skoliataet en Hong Kong e oa bet roet an anv arzel Yat-sen (Chinese: 逸仙; pinyin: Yìxiān) dezhañ. Sūn Zhōngshān (孫中山), e anv sinat brudetañ, a zo deuet a-ziwar e anv japanek akayama Shō (中山樵), ul lesanv roet dezhañ gant Tōten Miyazaki pa oa kuzhet e Bro Japan.

Buhez

Bugaleaj

Sun Yat-sen a oa bet ganet d'an 12 a viz Du 1866 . An tad a oa Sun Dacheng hag ar vamm Madame Yang. Ganet e oa e kêriadenn Cuiheng, Xiangshan County (kêr Zhongshan hiziv-an-deiz), Guangdong. Dre ar familh e oa awenet gant ar sevenadurezh Hakka (gant orinoù e Zijin, Heyuan, Guangdong) ha kantoneg. An tad a oa perc'henn war nebeutdik douaroù ha labourat a rae evel kemenner e Macau, met ivez evel devezhier ha dezouger. Ur wech echuet gant ar skol-vamm, e ya da vevañ en Honolulu e Rouantelezh Hawaii. Eno e vevo mat met gant ur yec'hed klañvidik gant e vreur brasoc'h Sun Mei.