Takekazu Asaka

• An anv-tiegezh eo Takekazu, an anv-bihan eo Asaka .

  ---

Takekazu Asaka (浅香武和 e japaneg), bet ganet e Tōkyō e 1952, zo ur yezhoniour hag ur c'helenner japanat war al lizheregouriezh romanek e Skol-veur Tsudajuku e Tōkyō.
Troet en deus e japaneg oberennoù galizek gant Rosalía de Castro, Ramón Cabanillas hag Uxío Novoneyra, ha savet en deus ar c'hentañ levr yezhadur galizek evit Japaniz.
Embann a ra bezañ « kannad sevenadur Galiza e Japan »

Cantares gallegos, Tōkyō, 2002

Da geñver O Día das Letras Galegas, "Devezh al Lizhiri Galizek" ez aoz Takekaku Asaka kelc'hiadoù sonerezh ha barzhoniezh c'halizat e Tōkyō hag e kêrioù all.
E miz Mezheven 2017 e voe anvet da genskriver er Real Academia Galega (Akademiezh Roueel Galiza) en anavezadur e labour.

Treuz

E 1989 e voe Takekazu Asaka e Galiza evit ar wech kentañ, da-geñver XIX^vet Kendalc'h Etrebroadel ar Yezhoniezh hag al Lizheregouriezh Romanek ; da neuze e reas anaoudegezh gant yezh ha sevenadur Galiza, ha buan e troas d'o difenner meur.
E Tōkyō e kelenn ar yezhadur spagnolek, ar galizeg ha sevenadur Galiza.

E 2002 e troas e japaneg Cantares gallegos, un dastumad barzhonegoù embannet e 1863 gant Rosalía de Castro. E 2014 e troas Contos da miña terra Rosalía de Castro (1864), gant lennadenn ar skrid war ur CD.
E 2017 e savas Takekazu Asaka un embannadur divyezhek eus Os Eidos Uxío Novoneyra (1955).

Oberennoù

• Gramática do galego moderno (divezhek japaneg-galizeg), Tōkyō, Daigakusyorin, 1993 (ISBN 978-4-475-01807-4)
• Guía de conversación en galego (1994)
• Vocabulario básico da lingua galega, Tōkyō, Daigakusyorin, 1996 (ISBN 978-4-475-01231-7)
• Cantares gallegos (troet e japaneg e 2002)
• Cantata a Ramón Cabanillas (2013)
• Contos da miña terra (troet e japaneg e 2014)
• Xograr Martín Codax (2015)
• Nova gramática do galego (2017)
• Os Eidos (divyezhek galizeg-japaneg, 2017)