Teir

Teir eo furm wregel ar ger tri, anv an niver 3, hag anv-gwan-pegementiñ e brezhoneg . Klotañ a ra gant tair e kembraeg.

Kemmadur

Kemmadur dre c'hwezhadenniñ a vez goude teir: teir c'hador, teir flac'h, teir zro .

Petvediñ

Trede ha teirvet eo an anvioù-gwan-petvediñ a glot gant teir.

Arveroù

en anvioù-kadarn

• an Teir Fulenn a zo doueezed,
• un teirroeñveg a zo ul lestr en Henamzer
• un teirgwern a zo ul lestr en XIXvet kanved
• un teirmenteg, a zo un doare skeudenn
• an deiryezhegezh a zo ur varregezh
• un deirzaolenn, a zo un daolenn e teir rann
• un deirmouezh a zo ul laz-kanañ gant tri c'haner
• un deirvogalenn, a vez lavaret triftongenn gant tud zo
• un teirrodeg, zo ur c'harbed teirrodek

en anvioù-gwan

• un emglev teirc'hevrennek
• ur plant teirdeliennek
• un arouez teiresker
• kregin teirflipennek
• skeudennoù teirmentek
• kêrioù teirmogeriek
• boestoù teirrann
• gerioù teirsilabennek
• kirri teirrodek

Iskis

• An Tri Romant, anv brezhonek teir danevell gembraek eus ar Grennamzer anvet Y Tair Rhamant: gourel eo romant e brezhoneg, ha gwregel rhamant e kembraeg.