Teirgwern

Un teirgwern zo ul lestr dre lien, teir gwern warnañ, hervez ar boaz a-raok marevezh al listri dre vurezh. E brezhoneg e roer an anv-se d'al listri diwar skouer ar galleg : e saozneg da skouer ne vez ket anvet al listri hervez niver o gwernioù.

An Duchesse Anne, ul lestr teirgwern gall.

Ar Grand Turk, ul lestr teirgwern saoz.

Anvioù an teir gwern

Eus ar staon betek ar penn a-dreñv

• ar wern vizan
• ar wern vras
• ar wern volosk

Ouzhpenn-se e veze ur wern-veg, pe gwern-valouin, a-wechoù. Da neuze e oant listri pedergwern kentoc'h.

Meur a seurt teirgwernioù

Hervez ar gouelioù e oa:

• an teirgwern gouelioù karrezek
• an teirgwern gouelioù skouarnek,
  • a-wechoù ouzh ar wern volosk hepken
  • a-wechoù ouzh ar wern-volosk hag ar wern-vras, evel war al lestr Belem
  • a-wechoù ouzh an teir gwern

Geriadurouriezh

• N'emañ ket ar ger teirgwern e lodenn vrezhonek geriadur divyezhek Roparz Hemon, embannet gant Al Liamm, embanner An Teirgwern Pembroke (ur romant gant Jarl Priel), pa gaver ar ger teirroeñveg, ul lestr un tamm mat koshoc'h eget an teirgwern, ha diaesoc'h da welout hiriv. El lodenn c'hallek avat e vo kavet.

• E-barzh Geriadur brezhoneg An Here emañ koulz hag e-barzh levrioù Jules Gros.

Teirgwernioù

• 
  Teirgwern gouelioù karrezek, eus Norge.
• 
  Ar Gorch Fock
• 
  An Isra
• 
  Ar Regina Maris
• 
  Ar Rara-Avis.

Porched ar Mor – Sellit ouzh pennadoù Wikipedia a denn da bed ar mor.