The Wild Rover

The Wild Rover ("Ar C'hantreer Gouez", pe "Ar Reder-Bro Diroll") zo ur ganaouenn saoznek eus ar XVII^vet kantved.

Brudet eo e Bro-Skos hag en Iwerzhon, koulz hag e Bro-Saoz, ha kanet e vez ivez gant harperien ar skipailh mell-droad Celtic Football Club eus Glasgow.

E 2015 e skrive Brian Peters er "Folk Music Journal" (vol 10 No 5) e oa bet savet ar ganaouenn er XVIIvet kantved gant Thomas Lanfiere. Da-heul e c'hoarvezas kemmoù a bep seurt hervez ar broioù, rak doareoù disheñvel zo bet kavet e SUA, Kanada, Bro-Saoz, Skos hag Iwerzhon. Hag ivez en Aostralia.

Kaoz zo er c'han eus ur paotr yaouank o tistreiñ da di e dud goude bet en estrenvro e-pad bloavezhioù. Mont a ra en un davarn met ar berc'hennez a nac'h servij ur banne dezhañ war zle, ma rank diskouez e aour en deus gounezet. Neuze e lavar eo echu dezhañ riboulat ha mennet eo da chom fur er gêr.

Skrid

Ar skrid a gaver er Wikisource saoznek.. Alies ne vez ket kanet en e hed.

Kanerien

Enrollet eo bet gant un toullad mat a ganerien, en o zouez :

• Clancy Brothers
• The Corries
• Allison Crowe
• The Dubliners
• The Pogues
• André Rieu
• The Seekers
• Soldat Louis
• The Wolfe Tones

Un doare reggae zo bet kanet ivez gant New Celeste.

Brezhoneg

Un doare brezhonek a vo kinniget e Kan ar Bobl e miz Ebrel 2023.^{(Daveoù a vank)}