Yann-Vari Apriwal
skrivagner brezhonek
Yann-Vari Apriwal, pe ar breur Constantius (Plougin, 1añ Eost 1842 - Kemper, 1906) a oa mestr-skol gant urzh frered Sant Yann Vadezour ar Sal.
Yann-Vari Apriwal
| Reizh pe jener | paotr  |
|---|---|
| Bro ar geodedouriezh | Frañs |
| Anv-bihan | Jean-Marie |
| Anv-familh | Apprioual |
| Deiziad ganedigezh | 1 Eos 1842 |
| Lec'h ganedigezh | Plougin |
| Deiziad ar marv | 19 Gen 1906 |
| Lec'h ar marv | Kemper |
| Yezhoù komzet pe skrivet | brezhoneg |
| Micher | kelenner, skrivagner |
| Urzh relijiel | Institute of the Brothers of the Christian Schools |
Skol a reas e meur a lec'h e Bro Gwened (e Gwened, e Muzilheg, e Kistreberzh, en Oriant) hag e Plougerne. Anvet e voe da rener-skol e 1880 ha labourat a reas lerc'h-ouzh-lerc'h en Oriant, e Konk-Kerne hag e Landivizio. Eno e labouras da sevel Kenteliou brezounek, da gelenn galleg dre ar brezhoneg, ha skridoù all ivez.
Mervel a reas e Kemper e deroù 1906, d'an 19 a viz Genver[1] pe d'an 23 a viz C'hwevrer[2].
Levrioù
kemmañ- Kenteliou brezounek da drei e gallek – Enseignement du français par le breton – Livre de l'élève, graet evit ar vugale, embannet e 1899 gant Arsène de Kerangal e Kemper.
- Kenteliou brezounek troet e gallek – Enseignement du français par le breton – Livre du maître, graet evit ar vistri-skol, embannet e 1900 e ti Lafolye e Gwened.
- An teir c'had hag ar Mevel laer, pezh-c'hoari, moullerezh Sant Gwilherm, Sant-Brieg, 1908
- Trubuilhou an aotrou Gargam, pezh-c'hoari, moullerezh Sant Gwilherm, Sant-Brieg, 1909
Notennoù
kemmañ- ↑ hervez Geriadur ar skrivagnerien ha yezhourien, gant L. Raoul, p. 20.
- ↑ hervez al lec'hienn Plouguin Histoire Patrimoine