Yantai

Porzh-pesketa brasañ proviñs Shandong eo Yantai, e Republik Pobl Sina. Ur gêr eo abaoe 1950. Emañ etre Pleg-mor Bohai er C'hornôg ha kêr Weihai er Reter, war aod strizh-mor Bohai. Hervez niveradeg 2010 e oa 6 968 202 annezad enni.

Douaroniezh

War aod strizh-mor Bahai emañ Yantai, etre Pleg-mor Bahai ha ar Mor Melen. War aod norzh ledenez Shandong emañ, a-dal aod su proviñs Liaoning.

Levezonet gant ar monson eo an hin, tomm ha gleb e vez an hañv, yen ha sec'h ar goañv.

Melestradurezh

Yantai zo ur gêr-prefeti ha melestriñ a ra pevarzek rann : pemp distrig, c'hwec'h kêr-distrig, ur xian ha daou dakad diorren.

Barnerezh amaezhel Yantai e proviñs Shandong.

Park gwez-pechez e bleuñv en dalenn gentañ, ha park rodoù-avel enez Changdao en dalenn ziwezhañ.

Kartenn
Zhifu Fushan Muping Laishan Penglai Longkou (kêr) Laiyang (kêr) Laizhou (kêr) Zhaoyuan (kêr) Qixia (kêr) Haiyang (kêr)
Rann	sinaeg	pinyin
distrig Zhifu^[1], hag a zo kêr Yantai er ster dik	芝罘区	Zhīfú Qū
distrig Muping	牟平区	Mùpíng Qū
distrig Fushan	福山区	Fúshān Qū
distrig Laishan	莱山区	Láishān Qū
distrig Penglai	蓬莱区
kêr Longkou	龙口市	Lóngkǒu Shì
kêr Haiyang	海阳市	Hǎiyáng Shì
kêr Laiyang	莱阳市	Láiyáng Shì
kêr Laizhou	莱州市	Láizhōu Shì
kêr Zhaoyuan	招远市	Zhāoyuǎn Shì
kêr Qixia	栖霞市	Qīxiá Shì
xian Changdao	长岛县	Chángdǎo Xiàn

Un takad diorren armerzhel ha teknologel (YEDA) zo (e sinaeg : 烟台经济技术开发 ; Kaifa Qū), hag un takad diorren industriel a deknologiezh uhel.

Armerzh

Eil kêr industriel Shandong eo Yantai, goude Qingdao. Ur vro a labour-douar eo ivez : brudet ez eus ur ouenn avaloù hag unan per. Embregerezh gwinierezh koshañ Sina zo eno, Changyu e anv. Brudet eo Longkou evit he zoazennoù "kelofan" (toazennoù treuzwelus sinaat).