Wikipedia

Almere

Almere (distagañ [1]) a zo ur gêr hag ur gumun e proviñs Flevoland en Izelvroioù. Stok ouzh Lelystad ha Zeewolde eo. Er gumun emañ an distrigoù da-heul : Almere Stad, Almere Haven, Almere Buiten, Almere Hout, Almere Poort hag Almere Pampus. E polder Zuidelijk Flevoland emañ, ha kêr gornôgelañ proviñs Flevoland eo.
Unan eus kêrioù nevesañ an Izelvroioù eo Almere : an ti kentañ a voe savet e 1976, hag ur gumun e teuas Almere da vezañ e 1984. A-fet niver a annezidi ez eo kumun vrasañ Flevoland[1], hag eizhvet kêr vrasañ an Izelvroioù[2]. E miz Here 2007 e voe un emglev etre dilennidi kuzul-kêr Almere ha gouarnamant an Izelvroioù da vont betek 350 000 annezad a-benn 2030[3]. Bep bloaz e vez aozet Defqon1 (ur festival sonerezh elektronek) en Almere. E-tro 40 000 den a gemer perzh ennañ.

Almere
Kumun en Izelvroioù

De Citadel, e kreiz-kêr
Proviñs Flevoland Flevoland
Kod post 1300-1379
Maer Annemarie Jorritsma (VVD)
Gorread
• Hollad
• Douar
• Dour 		248,77 km²
130,33 km²
118,44 km2
Hed 5° 13' Reter
Led 52° 22' Norzh
Poblañs 187 002 (31 MAE2009)
Piramidenn an oadoù (2009)
Stankter 1435 ann./km²
Internet www.almere.nl/

Istor

kemmañ
Annezidi gentañ Almere

Raktreset e oa bet e vefe implijet ar vro da labourat an douar. Met goude an Eil Brezel-bed e kreskas buan poblañs Amsterdam ha neuze e voe rakterset sevel div gêr e polder Oostelijk Flevoland hag e hini Zuidelijk Flevoland. The town in Oostelijk Flevoland became Lelystad eo a voe savet en Oostelijk Flevoland. An hini savet e Zuidelijk Flevoland a oa anvet Zuidweststad er raktresoù kentañ, hag e 1970 e voe dibabet an anv Almere, diwar anv kentañ Zuiderzee er Grennamzer. E 1976 e voe savet ti kentañ Almere. D'ar mare-se e veze meret Almere gant Openbaar Lichaam Zuidelijke IJsselmeerpolders (Z.IJ.P.). E 1984 e voe lakaet Almere da gumun.

Gouarnamant lec'hel

kemmañ
 
A. Jorritsma-Lebbink

Annemarie Jorritsma-Lebbink (VVD) eo maerez Almere abaoe ar 16 a viz Eost 2003. D'ar 7 a viz Ebrel 2006 e voe aozet ar c'huzul nevez :

Listennad maered :

Kuzul-kêr

kemmañ

D'an 2 a viz Genver 1984 e voe aozet ar c'huzul-kêr kentañ, ma kemeras perzh ennañ Koos Rietkerk hag a oa ministr an diabarzh d'ar mare-se. D'an 21 a viz Gwengolo 1983 e oa bet aozet an dilennadegoù. A-raok 1984 e veze meret Almere gant un Adviesraad a veze dibabet bep daou vloaz (1978-1980, 1980-1982, 1982-1984). Savet e oa an Adviesraad war skouer forzh pe guzul-kêr : ennañ e oa izili eus strolladoù politikel liesseurt. D'an 11 a viz Meurzh 1977 e voe dilennet an adviescommissie kentañ. Ur bodad ennañ 5 den eo. Abaoe 1998 ez eus 39 dileuriad e kuzul-kêr Almere.

 
C'hoarivaSchouwburg Almere
 
Kastell Almere
Strollad 1984 1986 1990 1994 1998 2002 2006
PvdA 10 14 9 6 9 7 12
VVD 5 5 7 10 12 8 7
Leefbaar Almere - - - - - 9 4
SP - - - - - - 4
GroenLinks 2 1 3 4 4 4 3
CDA 2 3 4 3 3 4 3
Almere Partij - 1 2 2 3 2 2
ChristenUnie - - - - 1 1 2
D66 1 2 7 10 5 2 1
Verenigde Senioren Partij - - - - 1 1 1
Stadspartij Almere - - - - 1 1 -
CP/CD 2 1 1 2 - - -
Stap '84 1 - - - - - -
Hollad 23 27 33 37 39 39 39

Emdroadur ar boblañs

kemmañ

C'hwec'h distrig (stadsdelen) zo en Almere[4].

Anv Bloavezh[5] Lec'hiadur
Almere Haven 1976  
Almere Stad 1980  
Almere Buiten 1984  
Almere Hout 1991  
Almere Poort 2000  
Almere Pampus -  
Bloaz Almere Haven Almere Stad Almere Buiten Almere Hout Almere Poort Almere Pampus HOLLAD
1970             52
1975             47
1980 6596           6632
1985 21410 17240 1559       40297
1990 22355 37024 11499       71087
1995 22376 58816 22740 564     104496
2000 22237 83934 35290 1336     142797
2005 22590 103560 47358 1366     175008
2007 22507 105261 51751 1345 134   180998

Transportoù

kemmañ

En Almere ez eo rannet an hentoù e teir lodenn : unan evit ar c'hiri, unan evit ar c'hirri-boutin hag unan all evit an dud war varc'h-houarn. Liammet eo Almere ouzh ar gourhent A6 hag ouzh an hini A27.

Hent-houarn

kemmañ

E 1987 e voe liammet Almere ouzh rouedad hentoù-houarn broadel an Izelvroioù (Nederlandse Spoorwegen). E 1988 e voe peurechuet hentoù-houarn Flevolijn, da vont betek ti-gar Weesp ha hini Lelystad Centrum. Pemp ti-gar a zo en Almere :

  • Almere Muziekwijk (digoret e 1987)
  • Almere Centrum (digoret e 1987)
  • Almere Parkwijk (digoret e 1996)
  • Almere Buiten (digoret e 1987)
  • Almere Oostvaarders (digoret e 2004).

Ur raktres a zo da sevel unan all, a vefe anvet Almere Poort.

Kirri-boutin

kemmañ

Dek linenn karr-boutin a zo en Almere :

  • 1 Almere Buiten Stripheldenbuurt-Almere Haven De Marken
  • 2 CS Almere-Gooisekant
  • 3 Almere de Vaart-Almere Haven Centrun
  • 4 CS Almere-Almere Poort Columbuskwartier
  • 5 Almere Oostvaarders-Almere 't Oor
  • 6 CS Almere-Almere Parkwijk
  • 7 Almere Noorderplassen-Almere Sallandsekant
  • 8 CS Almere-Kemphaan
  • 9 Almere Buiten-Almere de Vaart
  • 10 Almere Buiten- Almere Stad Gooisekant

Al lod brasañ anezho a dremen bep 7 munutenn. Ouzhpenn ez eus ivez kirri-boutin rannvro da vont da Hilversum, Zeewolde, Harderwijk, Schiphol, ha da di-gar Amsterdam Amstel.

Gevellerezh

kemmañ

Gevellet eo Almere gant ar c'hêrioù da-heul:[6],[7]

Notennoù

kemmañ
  1. ↑ CBS Statline.
  2. ↑ CBS Statline - Bevolking; ontwikkeling in gemeenten met 100 000 of meer inwoners.
  3. ↑ Schaalsprong Almere 2030, PDF.
  4. ↑ Gemeente Almere: Stadsdelen.
  5. ↑ Sociale Atlas 2007 Bevolkingsopbouw.
  6. ↑ Gemeente Almere: Partnersteden.
  7. ↑ Algemene Informatie.

Liammoù diavaez

kemmañ

 
Commons
Muioc'h a restroù diwar-benn

a vo kavet e Wikimedia Commons.

  Porched an Izelvroioù – Adkavit pennadoù ha rummadoù Wikipedia a denn d'an Izelvroioù.
Adtapet diwar « https://br.wikipedia.org/w/index.php?title=Almere&oldid=2119961 »