Anv ar rozenn (film, 1986)

Anv ar rozenn a zo ur film istorel kenbroduet etre Bro-C'hall, Italia ha Bro Alamagn, sevenet gant Jean-Jacques Annaud, deuet er-maez e 1986. Azasaet eo bet ar film diwar ar romant skrivet gant Umberto Eco e 1960, kontañ a ra istor ur manac'h, Guillaume de Baskerville, o kas da benn un enklask e-barzh ur manati evit kompren abalamour da betra ez eus menec'h o vervel.

Ar film en deus gounezet Cesar ar gwellañ film estren e 1987, ha resevet gantañ meur a briz e festivalioù all : gwellañ aktour (Sean Connery) er Deutscher Filmpreis e 1987 hag er BAFTA Awards e 1988, gwellañ pintañ ha kinklañ, gwellañ skeudenn ha gwellañ renann arzel.

Istor

E 1327, en un abati ‘mod sant Benead, ez eus menec’h o vont diwar wel. Guillaume de Baskerville, ur Frañsezad, gant skoazell Adso von Melk, a zo war an enklask.

Evezhiadennoù

Advouezhiet e oa bet ar film e brezhoneg e 2024 gant Dizale ha skignet war Brezhoweb gant istitloù e brezhoneg hag e galleg.

Fichenn deknikel

• Sevener : Jean-Jacques Annaud
• Skrid-aozañ : Gérard Brach, Alain Godard, Andrew Birkin hag Howard Franklin, diazezet war romant Umberto Eco
• Ti-produiñ : Les Films Ariane, FR3 Films Production, Cristaldifilm, Neue Constantin
• Kevredad dasparzhañ : Acteurs Auteurs Associés, 20th Century Fox, Constantin Film
• Sonerezh : James Horner,
• Komedianed vrudetañ : Sean Connery, Christian Slater, Helmut Qualtinger, Elya Baskin, Michael Lonsdale
• Padelezh : 131 munutenn,
• Yezhoù orin : saozneg, latin, italianeg
• Deiziad dont er-maez : 17 a viz Kerzu 1986.

Liammoù diavaez

• (en) Anv ar rozenn war IMDb