Arondisamant Felger-Gwitreg

Arondisamant Felger-Gwitreg
Lec'hiadur arondisamant Felger-Gwitreg e departamant Il-ha-Gwilen
Melestradurezh
Riez	Frañs
Rannvro	Breizh
Departamant	Il-ha-Gwilen
Kod arondisamant	35 1
Pennlec'h	Felger
Stadegoù
Poblañs	186 228 ann. (2019)
Gorread	2 173,16 km²
Stankter	86 ann./km²
Adrannoù
Kumunioù	106

Arondisamant Felger-Gwitreg a zo anezhañ ur rann velestradurel eus Frañs, e departamant Il-ha-Gwilen hag e rannvro Breizh.

Arondisamant Felger-Gwitreg

Da-heul serridigezh un toullad mat a velestradurioù (Bank Frañs, skouadron archeriezh, renerezh EDF-GDF, renerezh Ar Post, kuzul an aferioù micher, lez-varn ensav...) ha dre ma'z eus re all en arvar (ospital, isprefeti, komiserdi polis) o doa goulennet maer Felger, Louis Feuvrier, ha kannad pastell-vro Felger, Thierry Benoit, soutenet gant kannad-maer Gwitreg, Pierre Méhaignerie, e vefe brasaet arondisamant Felger dre lakaat arondisamant kozh Gwitreg e-barzh hag ivez e vefe kenstrollet an div lez-varn ensav e-lec'h serriñ anezho evit kreñvaat hini Roazhon.

Sinet e voe diferad-prefeti krouidigezh arondisamant Felger d'an 28 a viz Kerzu 2009. Talvezout a ra ar grouidigezh-se abaoe ar 1añ a viz Here 2010.

Kantonioù ha kumunioù

Betek 2016

Rannet e oa arondisamant Felger-Gwitreg e 12 kanton (betek 2014) ha 115 kumun :

• Kanton Argantred-ar-Genkiz ;
• Kanton Entraven ;
• Kanton Felger-Norzh ;
• Kanton Felger-Su ;
• Kanton Gwerc'h-Breizh ;
• Kanton Gwitreg-Kornôg ;
• Kanton Gwitreg-Reter ;
• Kanton Kastell-Bourc'h ;
• Kanton Louvigneg-an-Dezerzh ;
• Kanton Rester ;
• Kanton Sant-Albin-an-Hiliber ;
• Kanton Sant-Brizh-Gougleiz.

Abaoe 2017

Adrannet e voe arondisamantoù Il-ha-Gwilen d'ar 1añ a viz Genver 2017. 106 kumun zo en arondisamant Felger-Gwitreg bremañ.

Gwelet ivez

• Roll kantonioù Il-ha-Gwilen
• Roll kumunioù Il-ha-Gwilen