Bernard Stasi

Bernard Stasi, ganet d'ar 4 a viz Gouere 1930 e Reims (Marne) ha marvet d'ar 4 a viz Mae 2011 en 18vet arrondisament eus Pariz, a oa ur politikour he skrivagner gall.

Bernard Stasi

den

Reizh pe jener	paotr
Bro ar geodedouriezh	Frañs
Anv e yezh-vamm an den	Bernard Stasi
Anv ganedigezh	Bernard Paul Ramon Stasi
Anv-bihan	Bernard, Paul, Ramon
Anv-familh	Stasi
Deiziad ganedigezh	4 Gou 1930
Lec'h ganedigezh	Reims
Deiziad ar marv	4 Mae 2011
Lec'h ar marv	18th arrondissement of Paris
Breur pe c'hoar	Mario Stasi
Yezh vamm	galleg
Yezhoù komzet pe skrivet	galleg
Micher	politiker, kargiad uhel
Karg	kannad gall, maer Épernay, Member of the European Parliament
Bet war ar studi e	École nationale d’administration, Saint-Joseph of Reims, Institut d'études politiques de Paris
Diplom skol-veur	licence
Lec'h labour	Strossburi, Brusel
Strollad politikel	Unvaniezh evit an Demokratelezh C'hall
Prizioù resevet	ofiser al Lejion a Enor, Marc'heg al Lejion a Enor

Buhez

Tud-kozh Bernard Stasi a oa a orinoù lies: Italia, Bro-Spagn ha Kuba. Deuet e oa eñ da vezañ a Gall dre sevel ar goulenn pa oa oadet a 18 vloaz. Breur e oa da Vario Stasi, bet bâtonnier eus Pariz ha da Gérard Stasi paotr ar c'henwerzh.

Tabutoù

Tabutoù lies a oa bet a-enep an den.

Jean-Marie Le Pen

D'ar 6 a viz C'hwevrer 1986, e-pad un tabut gant Jean-Marie Le Pen war France Inter, e embann Bernard stasi « N'em eus ket memes kredennoù a c'hwi », an hini all a respont trumm dezhañ: « Normal eo, dre ma z'oc'h mab d'un envroad ha n'oc'h deuet da vezañ gall pa oac'h 18 vloaz ». Ha Stasi da respont: « C'hwi a embann ne vefe ket tu din, me, mab d'un envroad d'ober politikerezh? ». Le Pen a echu ar gaoz gant ar frazenn « Soñjal a ra din ez eo un afer a doareoù mat ».

Goude kouezhadenn Moger Berlin, Jean-Marie Le Pen a dag hag un-dro Bernard Stasi : « Pa vezer anvet Stasi, e reer evel ar strollad komunour, cheñchet e vez anv».

Ur sell war ar park Bernard Stasi e Reims.

An envroañ

Brudet eo bet Bernard Stasi da geñver harp d'an envroidi dre e levr L'immigration, une chance pour la France. Burutellet eo bet kalz war an dachenn-se betek e-touezh izili e strollad poltitikel. Taget e oa lies evit bezaña-du gant an envroañ meur, gant ar metoù broadelour met ivez gant Christian Bonnet da skouer ezel d'an UDF.

Buhez politikel

Kannadoù lec'hel

• 1970 - 1977 : maer Épernay
• 1983 - 2000 : maer Épernay
• 1981 - 1988 : prezidant kuzul rannvroel Champagne-Ardenne

Kannad parlamantel

• 11 a viz Gouere 1968 - 6 a viz Mae 1973 : kannad pevare pastell-vro ar Marne (dilez evit mont tre ar gouarnamant)
• 3 a viz Ebrel 1978 - 1añ a viz Ebrel 1986 : kannad pevare pastell-vro ar Marne
• 2 a viz ebrel 1986 - 14 a viz Mae 1988 : kannad pevare pastell-vro ar Marne
• 23 a viz Mezheven 1988 - 1añ a viz Ebrel 1993 : kannad ar c'hwec'hvet pastell-vro er Marne
• 19 a viz Gouere 1994 - 24 a viz Ebrel 1998 : kannad europat

Oberennoù

• Vie associative et démocratie nouvelle, Presses universitaires de France, 1979, (ISBN 2-13-035921-3)
• L'Immigration, une chance pour la France, Robert Laffont, dastumadenn. « Franc Parler », 1984, (ISBN 2-221-04469-X)
• La politique au cœur, Robert Laffont, 1993, (ISBN 2-221-04955-1)
• Tous Français, l'immigration, la chance de la France, Hugo Document, 2007, (ISBN 2-7556-0104-3)

Enorioù

• E 2013 ez eus bet krouet ur park Bernar Stasi gant kêr Reims, en Epernay ez eus bet badeziet ur blasenn ivez.

Tro-dro d'an den

• Adal titl e levr, L'immigration, une chance pour la France, ez eus bet krouet un droienn kunujennus er metoù broadelour gall evit komz eus an envroidi dre guzh oc'h ober anezho chances pour la France berraet e CPF.
• Lesanvet e oa bet « Stasibaou » gant Christian Bonnet adal anv ar broadelour ha stourmer disrannour Jean-Marie Tjibaou.
• Lesanvet e oa bet « la tête de Turc des maniaques de la xénophobie » gant Salim Jay, kazetenner evit Le Soir e 2011.