Bombezadenn Poltava e Gwengolo 2024
D'an 3 a viz Gwengolo 2024, daou visil rusian o doa tizhet ur savadur eus skourr milourel ar c'hehentiñ hag an titouriñ ukrainat hag un ospital lec'hiet nepell e Poltava, en Ukraina. Lazhet e oa bet d'an nebeutañ 74 den (lod steuziet abaoe) ha gloazet 328. Hervez prezidant Ukraina, Volodimir Zelenskiy, ar savadur milourel a oa bet "damzistrujet". Gwashañ bombezadur ar brezel etre Ukraina ha Rusia eo.
.webp)
| Rann eus | aloubadeg Ukraina gant Rusia e 2022  |
|---|---|
| Stad | Ukraina |
| E tiriad | Kyivskyi district |
| Lec'h | Poltava |
| Deiziad | 3 Gwe 2024 |
| Perzhiad | Nerzhioù armet Rusia |
| Bukenn | Nerzhioù lu Ukraina, Military Institute of Telecommunications and Informatization |
An dagadenn a oa bet da 09:08 ha labezet e oa bet dek savadur d'an nebeutañ. Hervez gouarnamant lec'hel Poltava ha gouarnamant Ukraina e oa bet lazhet 55 den ha gloazet ouzhpenn 300. Hervez Burev ar Prokulor Pennañ : "unan eus savadurioù ensavadur ar c'hehentiñ, hag un ospital ha tiez nepell a oa bet damzistrujet". Ar servijoù sikour o devoa saveteet 25 den, 11 anezho a oa bet trapet dindan dismantroù ar savadurioù. Ministr difenn Ukraina en doa embannet e oa bet berr-tre al lajad amzer etre ar c'hleier bombezadeg dre aer hag ar mare ma oa erruet ar misiloù, ar pezh en doa roet nebeut-tre a amzer d'an dud da vont da glask repu e goudorioù enep bombezennoù. Ar ministr en doa ouzhpennet e oa bet an dagadenn pa oa studierien er c'hlasoù.
E-pad an devezhioù da heul an dagadenn e oa bet embannet e oa bet tizhet ur skol hag un ospital hag e oa bet ur vombezadenn wadus. Goude ma vije bet milbloggerien ukrainat o tagañ drouk ar pennoù milourel, oc'h embann e oa bet tizhet ul lid milourel en diavaez hag e oa bet lazhet degadoù, ma n'eo ket kantadoù, a soudarded arbennikaet dre sotoni, e oa bet embannet sklaeroc'h gant pennoù Ukraina e oa soudarded eus darn eus ar c'houzañvidi ha n'eo ket trevourien.