Breyten Breytenbach
Breyten Breytenbach (Bonnievale, Kab ar C'hornaoueg 1939) zo ur skrivagner eus Suafrika hag a skriv en afrikaneg hag e saozneg.
Dre ma oa enebet ouzh an apartheid en doa kuitaet Suafrika da vont da vevañ da Bariz, e Bro-C'hall, e deroù ar bloavezhioù 1960. Eno e oa dimezet d'ur vaouez a oa Vietnamiz he hendadoù. Abalamour d'an dra-se ne c'hallas ket distreiñ da Suafrika, rak lezennoù ar vro-hont, "The Prohibition of Mixed Marriages Act" (1949) ha "The Immorality Act" (1950) a zifenne an darempred etre un den gwenn hag un den eus ur "ouenn" all.
E Pariz e kendalc'has gant e stourm a-enep an apartheid hag ar ouennelouriezh. E 1975 e klaskas mont da Suafrika, dre guzh, met harzet e voe, barnet ha kondaonet da nav bloavezh toull-bac'h. E Kerzu 1982 e voe lezet da vont en e frankiz ha distreiñ a reas da Vro-C'hall. Sellet a reer outañ evel unan eus ar gwellañ barzhed afrikanek, met skrivet en deus e saozneg ivez.
Goude diskar an apartheid e tistroas da Suafrika da gelenn e skol-veur ar C'hab. Labouret en deus ivez evel kelenner e skolioù-meur Dakar ha New York.
Barzhoniezh
kemmañ- Die ysterkoei moet sweet, 1964
- Die huis van die dowe, 1967
- Kouevuur, 1969
- Lotus 1970
- Oorblyfsels, 1970
- Skryt. Om 'n sinkende skip blou te verf, 1972
- Met ander woorde, 1973
- Voetskrif, 1976
- Sinking Ship Blues, Toronto 1977
- And Death White as Words. An Anthology, London, 1978
- In Africa even the flies are happy, London, 1978
- Blomskryf), 1979
- Eklips '1983
- Buffalo Bill 1984
- Lewendood, 1985
- Judas Eye, London - New York, 1989
- Soos die so, 1990
- Nege landskappe van ons tye bemaak aan `n beminde, 1993
- Die hand vol vere, 1995
- The Remains. An Elegy, 1997
- Papierblom, 1998
- Lady One, Cape Town, 2000
- Ysterkoei-blues, 2001
- Lady One: Of Love and other Poems, New York, 2002
Komz-plaen
kemmañ- Katastrofes 1964
- Om te vlie, 1971)
- De boom achter de maan, 1974
- The Anthill Bloats … (Die miernes swell op …), Emmarentia, 1980
- Een seizoen in het paradijs, 1980)
- Mouroir: Mirror Notes of a Novel, London - New York, 1983
- The True Confessions of an Albino Terrorist, London - New York, 1983
- Spiegeldood, 1984)
- End Papers, 1985
- Memory of Snow and of Dust, 1987
- Book. Part One (Boek. Deel een), Emmarentia, 1987
- All One Horse. Fiction and Images 1989
- Sweet Heart (Hart-Lam), 1991
- Return to Paradise. An African journal 1992
- The Memory of Birds in Times of Revolution 1996
- Dog Heart. A travel memoir, 1998
- Word Work (Woordwerk) 1999
