Bugaled Breizh

Ar Bugaled Breizh a zo ur vag-roueder eus Loktudi, Penn-ar-Bed (karter mor ar Gelveneg). Mont a reas d'ar strad d'ar 15 a viz Genver 2004 hag ar pemp martolod a oa en he bourzh a varvas en darvoud-se.

Ar fedoù

Ar vag-roueder-se a 24 m hirder dezhi, bet savet e chanter CBS Belz (Morbihan) e 1986, a zo aet d'ar strad a-vaez d'ar c'hKab Lizard (penn mervent Breizh-Veur) d'ar 15 a viz Genver 2004 da 12e25 UTC. Ar vag pesketa perc'hennet gant Michel Douce, paramantour hag artizan-pesketaer, he deus kaset ganti d'ar strad ar 5 martolod a oa e bourzh : Yves Gloaguen, Georges Lemétayer, Pascal Le Floch, Patrick Gloaguen, Eric Guillamet.

Displegadennoù hag enklask da heul ar peñse

Er sizhunvezhioù kentañ goude ar gwallzarvoud e oa bet kinniget meur a zisplegadenn evit ar peñse.

Tezenn ar begadenn gant ul lestr-spluj-brezel

Mein-kañv d'ar re beuzet er mor bered Loktudi, plakenn martoloded ar vag chaluter Bugaled Breizh

Un nebeud eurvezhioù goude ar peñse e voe embannet ur gemennadenn gant prefeti ar mor evit kelaouiñ e oa ur bleustradeg listri-spluj AFNA tro-war-dro ar zonenn beñse. Met al lestr-spluj tostañ (al lestr-spluj izelvroat Dolfjin^[1] hag a zo bet kempennet evit kudennoù souezhus^[2]) a oa, hervezo, 20 km alese d'an nebeutañ.

Bremañ eo tezenn ul lestr-spluj saoz eo a vez klasket ha gwir e vefe ha kement-se goude un diviz graet e miz Gouere 2010 gant lez-galv Roazhon.

Mediaoù

Levrioù

Adieu Bugaled Breizh gant Yann Queffélec, embannadurioù du Rocher, Gouere 2009
Le Bugaled Breizh, les secrets d'états autour d'un naufrage gant Laurent Richard ha Sébastien Turay, embannadurioù First, Genver 2007, ISBN 2754002979

(br) Bugaled Breizh, 37 eilenn gant Paskal Bresson hag Erwan ar Saeg, Nadoz-Vor Embannadurioù, 2016. (Bandenn-dreset) (ISBN 9791093241111).

Kazetennoù

Enklask Julie Le Bolzer e-barzh Siné-Hebdo Niv. 52 eus an 2 a viz Gwengolo 2009.

Skinwel

L'énigme du Bugaled Breizh, sevenet gant Serge Marie, 2005
Un "téléfilm du réel" a oa bet raktreset evit bezañ filmet en nevez-amzer 2007 ha skignet gant TF1, met ne ouezer ket petra 'zo bet graet.
37 secondes, stirad skinwel deuet er-maez e 2025, skignet gant Arte, sevenet gant Laure de Butler diwar ur senario gant Anne Landois Kovess-Brun.

Kanaouennoù

Le Bugaled Breizh, gant ar strollad Avurnav!.
Bugaled Breizh, gant Nolwenn Korbell.

Daveennoù

Porched ar Mor – Sellit ouzh pennadoù Wikipedia a denn da bed ar mor.

[1] FRANCE 3 - Bugaled Breizh, l’enquête rebondit encore - France 3 Ouest - Vue sur mer : info mer et actualité maritime

[crefmpm.com-2] CREFMPM - NAUFRAGE : La coopération internationale jugée mauvaise

[1]

[2]