Charlez Gwennou
Charlez Gwennou (François Charles Marie Guennou e marilh ar boblañs), ganet d'ar 14 a viz Mae 1851 e Lezardrev ha marvet d'ar 7 a viz C'hwevrer 1915 e Vitry-sur-Seine, a oa ur Breizhad aet da vevañ da gorn-bro Pariz.
Charlez Gwennou
| Reizh pe jener | paotr  |
|---|---|
| Bro ar geodedouriezh | Frañs |
| Anv-bihan | Charles |
| Deiziad ganedigezh | 14 Mae 1851 |
| Lec'h ganedigezh | Lezardrev |
| Deiziad ar marv | 7 C'hwe 1915 |
| Lec'h ar marv | Vitry-sur-Seine |
| Yezhoù komzet pe skrivet | galleg, brezhoneg |
| Yezh implijet dre skrid | galleg |
| Micher | barzh, skrivagner |
| Statud e wirioù aozer | Ar gwirioù aozer ne dalvezont ket ken |
Mab e oa da Erwan Gwennou, maltouter, ha da vMari-Jann ar C'holen. Labourat a reas evit an hentoù-houarn du-hont met kelenn brezhoneg a reas ivez da Vretoned Pariz ha skrivañ e-leizh a bennadoù e kelaouennoù evel Kroaz ar Vretoned, Ar Vro, L'Hermine. Gantañ e voe adaozet mister kozh Buhez Santez Trifina, war c'houlenn Frañsez Jaffrennou.
Oberennoù
kemmañ- Santez Trifina hag ar Roue Arzur, mister e pemp arvest, dibabet e meur a skrid koz, kempennet, nevezaet ha skrivet e rimou brezounek gant Ch. Gwennou, Montroulez, 1899.
Troidigezhioù
kemmañ- 1892 : François Coppée, Ar Bater (diwar Le Pater, 1889), Dumont.
- 1904 : Renan Midy, Gwin Person Koataskorn (diwar Le vin du Recteur de Coatascorn), Prud'homme.