Copa Aldao

Copa Aldao a oa ur genstrivadeg etrebroadel hag a voe dalc'het etre kleuboù mell-droad aet da gampion Arc'hantina hag Uruguay, adalek 1913 betek 1957. Krouet diwar intrudu Asociación del Fútbol Argentino (AFA) (Kevredigezh ar Vell-droad Arc'hantinat) hag Asociación Uruguaya de Fútbol (AUF) (Kevredigezh Uruguayat ar Vell-droad) e voe anavezet evel Copa Dr. Ricardo C. Aldao, Campeonato Rioplatense pe Copa Río de La Plata ivez. Er penn kentañ e veze deroet an trofe da-heul ur c'hrogad nemetañ a-raok divizout hen ober dre zaou grogad (e 1941 hag adalek 1945). Profet e voe an trofe gant Ricardo Camilo Aldao, bet prezidant Federación Argentina de Football e 1912-14 ha hini AFA e 1918-19.

An trofe a c'hopre
skipailh trec'h Copa Aldao.

C'hoariet e voe, e 1923, ur genstrivadeg heñvel an anv anezhi — Copa Campeonato del Río de la Plata — ouzh Copa Aldao. Aozet e oa bet gant Asociación Amateurs de Football ha Federación Uruguaya de Football (FUF), hag int-i kevredigezhioù er-maez eus Kevread Etrebroadel Football Association (KEFA). Mont a reas ar maout gant San Lorenzo de Almagro (Arc'hantina) 1-0 ouzh Montevideo Wanderers.

Dalc'hioù

Dleet e vije d'ar genstrivadeg bezañ kroget kerkent ha 1913 ; nullet e oa bet an daou grogad :
Kimberley Buenos Aires-Central Español Montevideo (e Buenos Aires)
River Plate Football Club-Estudiantes de La Plata (e Montevideo)
a oa bet raktreset abalamour d'ar glaveier a bile war an div gêr.

Krogadoù ofisiel

Bloaz	Trec'h	Merkoù	Gourfenner	Lec'h
1916	Nacional Montevideo	2-1	Racing Club de Avellaneda	Buenos Aires
1917	Racing Club de Avellaneda	2-2 2-1	Nacional Montevideo	Montevideo Buenos Aires
1918	Racing Club de Avellaneda	2-1	Peñarol Montevideo	Buenos Aires
1919	Nacional Montevideo	3-0	Boca Juniors Buenos Aires	Montevideo
1920	Nacional Montevideo	2-1	Boca Juniors Buenos Aires	Buenos Aires
1927	San Lorenzo	1-0	Rampla Juniors	Montevideo
1928	Peñarol Montevideo	3-0	Huracán Buenos Aires	Estadio Alvear y Tagle, Buenos Aires
1936	River Plate Buenos Aires	5-1	Peñarol Montevideo	Estadio Centenario, Montevideo
1937	River Plate Buenos Aires	5-2	Peñarol Montevideo	Estadio Viejo Gasómetro, Buenos Aires
1938	Independiente	3-1	Peñarol Montevideo	Estadio Centenario, Montevideo
1939	Independiente	5-0	Nacional Montevideo	Estadio Viejo Gasómetro, Buenos Aires
1941	River Plate Buenos Aires	6-1 1-1	Nacional Montevideo	Estadio Viejo Gasómetro, Buenos Aires Estadio Centenario, Montevideo
1945	River Plate Buenos Aires	2-1 3-2	Peñarol Montevideo	Estadio Centenario, Montevideo Estadio Viejo Gasómetro, Buenos Aires
1947	River Plate Buenos Aires	4-3 3-1	Nacional Montevideo	Estadio Centenario, Montevideo Buenos Aires

E 1940, da-geñver ar c'hrogad a voe c'hoariet e Montevideo d'an 28 a viz Kerzu, ez eas kuit c'hoarierien Boca Juniors Buenos Aires eus an dachenn hep na vije echuet ar match. Ne voe ket c'hoariet an astennadennoù ha, dre ma oa 2-2 ar merk, e oa aet ar maout gant Nacional Montevideo : chomet eo an traoù e-giz-se, hep na vije kemeret diviz ebet all.

E 1942 ne voe dalc'het nemet ar c'hrogad kentañ e Montevideo : Nacional Montevideo 4-0 River Plate Buenos Aires. Ne voe ket deroet an trofe. An hevelep diviz a voe kemeret e 1957 o vezañ na voe c'hoariet nemet krogad Montevideo : Nacional Montevideo 1-2 River Plate Buenos Aires.

Krogadoù a vignoniezh

Bloaz	Trec'h	Merkoù	Gourfenner	Lec'h
1946	San Lorenzo de Almagro Nacional Montevideo	3-2 7-2	Nacional Montevideo San Lorenzo de Almagro	Estadio Tomás Adolfo Ducó, Buenos Aires Estadio Centenario, Montevideo
1997	Peñarol Montevideo	2-1	Boca Juniors Bueno Aires	Estadio Antonio Romero, Formosa
1998	Vélez Sarsfield Buenos Aires	3-1	Nacional Montevideo	Estadio Centenario, Montevideo
2013	Vélez Sarsfield Buenos Aires	3-1	Peñarol Montevideo	Estadio Centenario, Montevideo
2014	San Lorenzo de Almagro	1-0	Danubio Montevideo	Estadio Nuevo Gasómetro, Buenos Aires