Dairbhre

Dairbhre (hervez an iwerzhoneg) pe Valentia Island (hervez ar saozneg) zo un enezennig e mervent Iwerzhon, dirak ledenez Uíbh Ráthach e kontelezh Ciarraí. Liammet eo ouzh an douar-bras war-bouez ur pont, ha bigi a ya ivez eus an douar-bras d’an enezenn. Annezet eo Dairbhre gant 650 den, o chom war un tamm douar 11 km hed ha 3 km led.

Brudet eo enez Dairbhre evel al lec’h glepañ zo en Iwerzhon. Klouar-kenañ e vez an amzer enni, ken na vez ket rev gwech ebet er goañv. Gant se e oa bet savet enni ul liorzh dam-drovanel er bloavezhioù 1830, gant un aotrou Peter George Fitzgerald, hag enni e kresk spesadoù plant eus an hantervoullzouar su na gaver ket dindan an amzer e lec’h all ebet en Iwerzhon (Cyatheales pe raden-gwez, da skouer). Digor e vez al liorzh-se d’ar weladennerien.

E Dairbhre e oa bet staliet penn reter ar fun gentañ a voe implijet da gas pellskridoù a-dreuz ar Meurvor Atlantel, etre Europa hag Amerika. Graet e voe ar gasadenn gentañ e 1866, etre Faill an Amaráin (Foilhommerum Bay), en enez Dairbhre, ha Heart's Content, en Douar-Nevez. Implijet e voe ar fun-se da gas pellskridoù betek 1966.

Liammoù diavaez

Kêrioù Kontelezh Ciarraí

Kêr-benn ar gontelezh : Trá Lí
Kêrioù all	Baile an Bhuinneánaigh • Cathair Saidhbhín • Cill Airne • Cill Orglan • An Daingean • Lios Tuathail • An Neidín • Oileán Chiarraí
Parrezioù, kêriadennoù ha Bailte fearainn	Abhainn an Scáil • Ard Fhearta • Baile na nGall • Baile an Sceilg • An Baile Dubh • Baile an Fheirtéaraigh • Baile an Mhuilinn • Baile an Ridire • Baile Uí Thaidhg • Béal Átha Longfoirt • Baile Mhic Eilegóid • Baile Uí Shíoda • Bréanainn • Brosnach • An Caladh • Cathair Uí Mhóráin • Cathair Bó Sine • Cathair Dhónaill • Caislean Graighre • Caisleán na Mainge • Ceann Trá • Cill Flainn • Cill Garbháin • Cill Mhaoile • An Clochán (Ciarraí) • Cnoc na gCaiseal • Na Coirríní • Coolgarriv • An Corráin, • Cuas an Bhodaigh • An Currach • Dairbhre Doire Mór • Doire Fhionain • Dubháth • Dún Chaoin • An Faiche Mór • An Fearann Fuar • An Fhianait • An Fheothanach • Fionnóg • An Fosadh • Gníomh go Leith • Cill Doire (Ciarraí) • Lios Póil • LiosEiltín • Leac Snámha • Maigh Mheáin • Mainistir Ó dTorna • An Ráth Mhór • An Scragán • An Siopa Dubh • An tSnaidhm • Tairbeart • An Tearmann) • An Teampall Nua • An Tóchar • Tuath Ó Siosta
Rummad:Kontelezh Ciarraí