Deux-Nèthes
Deux-Nèthes (Twee Nethen e nederlandeg) zo anv un departamant gall eus Belgia etre 1795 ha 1814. Savet e oa an anv diwar div vrec'h ar stêr Nete ( Nèthe e galleg). Hiziv emañ an douaroù-se dre vras e proviñs Antwerpen
Istor
kemmañSavet e voe an departamant pa voe staget kreisteiz an Izelvroioù (Belgia hiziv) ouzh Bro-C'hall, diwar lodenn hanternoz dugelezh Brabant.
Pa voe staget rouantelezh an Izelvroioù e 1810 e voe kresket an departamant gant douaroù kornôg ar pezh zo hiziv Noord-Brabant en Izelvroioù, en-dro da gêr Breda.
Antwerpen e oa ar pennlec'h.
Arondisamantoù ha kantonioù e 1812
kemmañ- Antwerpen, kantonioù: Antwerpen, Brecht, Ekeren, Kontich, Wilrijk ha Zandhoven.
- Breda, kantonioù: Bergen op Zoom, Breda, Ginneken, Oosterhout, Oudenbosch, Roosendaal ha Zevenbergen.
- Mechelen, kantonioù: Duffel, Heist-op-den-Berg, Lier, Mechelen ha Puurs.
- Turnhout, kantonioù: Arendonk, Herentals, Hoogstraten, Mol, Turnhout ha Westerlo.
Roud e Bro-C'hall
kemmañUn hent-dall zo e Pariz (en 18-vet arondisamant) a zo anvet impasse des Deux-Nèthes abaoe ar 1añ a viz C'hwevrer 1877.