Emgann Abrittus
Emgann Abrittus, anvet ivez Emgann Forum Terebronii a c'hoarvezas e Scythia Minor e deroù miz Gouere 251. An impalaer roman Decius hag e vab Herennius Etruscus a stourmas ouzh ar C'hoted hag o roue Cniva. Faezhet e voe ar Romaned, dreist holl peogwir n'en-doa ket ar jeneral Trebonianus Gallus argaset anezho en un doare argadus a-walc'h. An daou impalaer a voe lazhet.
| Emgann Abrittus | |||||||
|---|---|---|---|---|---|---|---|
 Moneiz Decius, an impalaer roman lazhet e Abritus | |||||||
| |||||||
| Emgannerien | |||||||
| Impalaeriezh roman | Goted | ||||||
| Pennoù-brezel | |||||||
| Decius† Herennius Etruscus† | Cniva | ||||||
| Niver a emgannerien | |||||||
| Dianav | Dianav | ||||||
| Kolloù | |||||||
| Dianav | Dianav | ||||||
Goude an emgann e sinas Trebonianus Gallus ur peoc'h gant ar C'hoted hag a aotreas anezho da virout o freizhenn ha da vont en-dro d'an tu arall d'an Danav. Grataat a reas ivez paeiñ un truaj dezho bep bloaz.
Hervez an istorour Ammianus Marcellinus e oa emgann Abrittus unan eus ar faezhidigezhioù roman gwashañ e varead gant Emgann Teutoburg, aloudabegoù ar Marcomanni ha Emgann Adrianopolis.
Gant T. Ivanov e 1969 ha 1971 e voe dizoloet lec'h an emgann, e-kichen Razgrad, e Bulgaria.