Didier Deschamps

Didier Claude Deschamps, bet ganet d'ar 15 a viz Here 1968 e Baiona (Pireneoù-Atlantel, Bro-C'hall), a zo bet ur melldroader etrebroadel gall a-raok mont da c'hourdoner war-lerc'h e amzer c'hoarier.

Didier Deschamps e miz Eost 2000

Kreizer difenner e bost dezhañ war an dachenn, c'hoariet en deus e kleuboù meur en Europa : Football Klub Naoned, Olympique de Marseille, Jirondined Bourdel, Juventus Football Club (Torino, Italia), Chelsea F.C. (Londrez, Bro-Saoz) ha Valencia Club de Fútbol (Spagn) m'en deus gounezet titloù ha trofeoù sof-kont enne.

Gourdonet en deus en un nebeud kleuboù ivez - AS Monaco FC, Juventus Football Club, Olympique de Marseille - kent bezañ anvet da zibaber skipailh Bro-C'hall d'an 8 a viz Gouere 2012, oc'h erlec'hiañ Laurent Blanc.

Kib vell-droad ar bed (evel c'hoarier)

Kemeret en deus perzh en un dalc'h hepken :

• Kib vell-droad ar bed 1998 bet aozet e Bro-C'hall : aet ar maout gantañ, hag eñ kabiten skipailh Bro-C'hall.

Kib vell-droad ar bed (evel dibaber)

Kaset en deus skipailh Bro-chall betek kardgourfennoù Kib vell-droad ar bed 2014 aozet e Brazil, bet skubet er-maez 0-1 gant skipailh Alamagn (ur wech ouzhpenn evel e 1982 ha 1986...).