Divwerzenn

Un divwerzenn zo ur barzhoneg, pe un darn eus ur barzhoneg, gant div werzenn.

Krennlavaroù zo a zo anezho divwerzennoù:

Re gravat a boazh,

Re brezeg a noaz.

Er c'hatekiz e veze klasket deskiñ Gourc'hemennoù Doue e stumm divwerzennoù:

Un doue hepken a adori

Ha dreist pep tra a gari.

Un doare da aesaat an deskiñ eo an divwerzennoù, evel an teirgwerzennoù hag ar pedergwerzennoù ivez.

Barzhoniezh vrezhonek

Un doare eeun da werzaouiñ eo an divwerzenn. An doare-se a gaver er sonioù kozh, hag er sonioù da zañsal, e brezhoneg.

Gant gwerzennoù eizhsilabennek

Kalzik a sonioù kozh a grog evel-hen:

Selaouit holl 'ta, selaouet

Ur son a zo nevez savet.

Ar re-se neuze a zalc'h da vont gant divwerzennoù.

Gwerz Ker Is, lakomp zo savet evel-se:

Petra 'zo nevez e Kęr Is

Ma'z eo ken drant ar yaouankiz,

Ma klevan-me ar binioů,

Ar vombard hag an telennoù?

Gant gwerzennoù trizeksilabennek

Tud yaouank a Vreizh-Izel, didostait da glevet

An istor eus ma daeloù ha ma foanioù kalet.

E yezhoù all

• E saozneg eo doare Chaucer er c'h-Canterbury Tales, er Grennamzer, hini John Dryden er XVIIvet kantved ha hini Alexander Pope en XVIIIvet.
• E galleg e kaver an doare-se da ober e gwerzennoù al lennegezh klasel, pe ar c'hoariva klasel, gant Corneille ha Racine, pe gant tud evel Boileau:

Ce que l'on conçoit bien s'énonce clairement,

Et les mots pour le dire arrivent aisément. (Boileau, Art poétique, Kan I)

Pennadoù kar

• Teirgwerzenn
• Pedergwerzenn