Douar Israel
Douar Israel (Hebraeg אֶרֶץ יִשְׂרָאֵל Modern Eretz Yisrael, Tiberian ʼÉreṣ Yiśrāʼēl) eo an anv yuzev a roer d'un tiriad n'eo ket sklaer e harzoù e su ar Reter-Nesañ. A-hed ar c'hantvedoù en deus klotet tamm pe damm gant tiriadoù evel Kenaan, an Douar Prometet, an Douar Santel, Palestina en e ster kozh hag Israel ha Palestina modern. Cheñch a ra termenadur e harzoù en Tanac'h ha ne glot ket gant harzoù kozh an Israelited hag ar rouantelezhioù yuzev deuet da heul.
Hervez ar Yuzevegezh ez eo Douar Israel an douar ma vez al Lezenn yuzev an hini bouezusañ ha ne gont ket tiriadoù e-lec'h ma n'eo bet biskoazh an hini bouezusañ. Un tiriad eo hag a oa bet roet d'ar Yuzevien gant Doue hervez an Torah (ha dreist-holl hervez Levr ar C'heneliezh) a gont penaos e oa bet prometet an douar da Abraham evit e ziskennidi.