Emsav an 2 a viz Even

Emsav an 2 a viz Even (alamaneg :Bewegung 2. Juni) a oa ur strollad anarkour armet en Alamagn ar C'hornôg diazezet e Berlin ar C'hornôg hag a voe oberiant er bloavezhioù 1970. Gant Fritz Teufel eo e voe krouet^[1] . D'an 2 a viz Even 1980 e voe divodet.

Istor

E 1971 e voe krouet an emsav, ha dibabet e voe e anv da glotañ gant an deiziad (d'an 2 a viz Even 1967) ma oa bet lazhet ar studier Benno Ohnesorg gant ur poliser eus Berlin ar C'hornôg, Karl-Heinz Kurras e anv, hag a laboure e gwirionez evit ar Stasi. Lakaat bombezennoù da darzhañ e Berlin eo ar pezh a reas izili ar strollad dreist-holl. Taol pennañ ar strollad a voe skrapañ Peter Lorenz d'ar 27 a viz C'hwevrer 1975. Lorentz en doa lakaet e anv da vezañ dilennet maer Berlin en anv CDU. Pevar ezel eus ar strollad a voe dieubet, ha d'an 3 a viz Meurzh e tapjont ur c'harr-nij da vont da Aden, e Yemen ar Su. En deiz war-lerc'h e voe dieubet Lorentz.

Izili harzet

A-hed istor ar strollad e voe bec'h etre ar boliserien hag e izili. D'an 29 a viz Meurzh 1972 e voe bac'het Till Meyer goude ur fuzuilhadeg e Bielfield. Da 3 bloaz toull-bac'h e voe kondaonet. E miz Even 1972 e voe harzet Bernhard Braun asambles gant Brigitte Mohnhaupt, ha hi ezel eus RAF. E 1973 e voe harzet Gabi Kröcher-Tiedemann goude m'he dije tennet war ur poliser ha kondaonet e voe da 8 vloaz toull-bac'h. E 1975 e voe unan eus an eizh den dieubet pa voe skrapet Peter Lorenz.^[2] E dibenn 1973 e teuas a-benn Inge Viett ha Till Meyer da dec'hout kuit diouzh o zoull-bac'h.^[2]

Liammoù a voe etre Emsav an 2 a viz Even ha Rote Armee Fraktion, daoust ma oa anarkour an eil ha marksour egile. D'an 2 a viz Even 1980 e voe divodet ar strollad, ul lodenn eus an izili anezhañ a gemeras perzh e RAF goude-se.

Ralf Reinders, un ezel d'ar strollad sponterezh. An eil adal an tu dehoù.

Izili

Michael Baumann
Ralf Reinders
Ronald Fritsch
Georg von Rauch
Angela Luther
Till Meyer
Fritz Teufel
Gabi Kröcher-Tiedemann
Verena Becker
Norbert Kröcher
Inge Viett
Gabrielle Rollnick
Zachary Schwartz
Berhard Braun

^[2]

Notennoù ha daveennoù

↑ https://web.archive.org/web/20140520221717/http://iweb.tntech.edu/pcampana/germ3520terror.htm P.J. Campana, I-Web
↑ ^2,0 ^2,1 ha^2,2 http://www.baader-meinhof.com/ R.Huffman, Baader-Meinhof.com

Liammoù diavaez

Alamagn

[Campana,_P.J._(2010)-1] ttps://web.archive.org/web/20140520221717/http://iweb.tntech.edu/pcampana/germ3520terror.htm P.J. Campana, I-Web

[Huffman,_R._(2011)-2] 2,0 ^2,1 ha^2,2 http://www.baader-meinhof.com/ R.Huffman, Baader-Meinhof.com

[1]

[2]