Fehu

Ar run ᚠ (Fe)  (norseg fé; hensaozneg feoh) a verk ar son f er Futhark skandinaviat hag er Futhorc (Futhark saoz). E anv a dalva 'pinvidigezh' ha kar eo d'ar ger saoznek fee a dalve-eñ 'dañvad' pe 'saout', 'chatal' eta (nederlandeg vee, alamaneg Vieh, latin pecū, sañskriteg pashu).

Ar run a zeu eus ar proto-germaneg *fehu er Futhark kozh, gant ar ster hañval: "argant, chatal, pinvidigezh".

Al lizherenn zo damheñvel ouzh 𐍆 f, el lizherenneg gotek, hag e oa anvet faihu.

Stumm ar run zo bet tennet eus al lizherenn etruskek v 𐌅 , evel al lizherenn c'hresianek digamma (Ϝ) hag al latin F hag a zeu eus ar lizherenn fenisek waw .

Barzhonegoù ar runoù

An anv zo bet gwelet e-barzh tri barzhoneg diàr ar runoù:

Barzhonegoù ar runoù:	Troidigezh e brezhoneg:
Norvegeg kozh ᚠ Fé vældr frænda róge; føðesk ulfr í skóge.	Pinvidigezh a ra tabutoù e-touesk an hil; ar bleiz a vev er c'hoadoù.
Norseg (pe islandeg kozh) ᚠ Fé er frænda róg ok flæðar viti ok grafseiðs gata aurum fylkir.	Pinvidigezh a ra tabutoù e-touesk an hil ha tan ar mor ha hent an naer.
Hensaozneg ᚠ Feoh byþ frofur fira gehƿylcum; sceal ðeah manna gehƿylc miclun hyt dælan gif he ƿile for drihtne domes hleotan.	Pinvidigezh a zo bourrapl evit an holl; hogen bep hini a ranka he reiñ hep keuz, ma fell dezho gounit enor dindan lagad Odin.