Santez Fides

Santez Fides (Sancta Fides e latin, Sainte Foy e galleg) zo anv ur santez c'halian, eus kêr Agen, e Galia, war-dro dibenn an IIIde kantved. Enoret eo bet e Breizh ivez.

Santez Fides.

Merzherinti

"Gwerc'hez ha merzherez" eo hervez an Iliz. Nac'h a reas dianzav he feiz kristen dirak lez-varn ar prokonsul roman, Dakian, er bloavezh 303, en amzer an impalaer Maksimian, ur marevezh heskinerezh relijiel.

Poazhet e voe war ur gwele arem ha dibennet, p'edo en he zrizek vloaz. Ganti e varvas he c'hoar Alberta, sant Caprasius, ha tud all eus kêr.

Brud

Ne oa ket gwall anavezet e-maez an tolead betek an deiz ma teuas ar manac'h Avariscius, eus Conques, e Rouergue, da laerezh relegoù Santez Fides, evit o c'has d'e abati, da sachañ pirc'hirined di. Dek vloaz e vije bet o chom e kêr Agen, hag o c'hortoz ken na gavje an tu da ober e laeroñsi.

Brudet eo ar santez er broioù spagnolek evel Santa Fe.

Boest relegoù ar santez, eus an IXvet kantved, e Conques.

Gwirionded

Hervez istorourien zo ne vije ket bet anezhi, ha treuzkomprenet eo bet ar gerioù latin.

Anv-lec'h

• Gwelout Sainte-Foy.

Yezhoù all

• Feiz, e brezhoneg, meneget e Buhez ar Sent Glaoda Marigo (admbannadur 1837);
• Faith e saozneg, anv-badez
• Fe e spagnoleg, Fé e portugaleg
• Fede en italianeg.

Lennegezh

• Gant Bernard d'Angers eo bet skrivet Liber miraculorum Sancte Fidis, ma konter forzh burzhudoù.
• Cançó de Santa Fe, zo ur varzhoneg e katalaneg pe okitaneg (kaoz vraz zo c'hoazh da c'houzout e pe yezh eo) zo ur meulgan d'ar santez en 593 gwerzenn eizhsilabennek, anezhi unan eus ar c'hentañ oberennoù skrivet en ur yezh romanek. Skrivet e voe en amzer ar c'hont Ramon Berenguer Iañ Barcelona, entre 1054 ha 1076. Savet eo diwar ar skrid latin, kollet hiriv, ar Passio sanctorum Fidis et Caprisii .

Skeudennoù

• 
• 
  Delwenn e Saint-Pierre de Varen
• 
  Abati Sainte-Foy-de-Conques
• 
  En abati Sainte-Foy
• 
• 
  Hentoù pirc'hirined Sant Jakez