Genaunes

Ar Genaunes, pe Genauni (Galianeg: Genaunoi, pe *Gēnomnoi, 'genidien'), a oa ur bobl en Alpoù er Iañ kantved kent JK. Hervez an testenioù deuet betek ennomp e vijent bet Galianed e Raetia.

Bro ar Genauni a weler e Raetia.

Douaroniezh

O chom e oant e saonenn reter an Inn, e Raetia (Tirol a-vremañ), en Oadvezh an Houarn hag en Henamzer roman. Amezeien e oant d'ar Breuni.

Menegoù

• Ar c'hentañ skrivagner a ra meneg anezhe e oa Strabo en e Zouaroniezh. Soñjal a rae dezhañ e ont a orin illirian, evel ma reas Appian diwezhatoc'h, met hennezh a lare eus holl bobloù an Alpoù hag an Danav e oant Illirianed.

• Ar Pseudo-Akron, displeger Horatius, a rae Galianed anezhe: Genauni et Breuni, gentes Gallorum.

Istor

Trec'het e voent gant Drusus an Henañ.

Monumant Turbia

Engravet e oa bet o anv war ar monumant anvet Tropaeum Alpium e Turbia, en enor d'an impalaer Augustus, ma'z eo bet merket anvioù ar pobloù trec'het gantañ.