Gerondiv

Ar gerondiv pe tro-c'hraus zo ur stumm digemm eus ar verb.

Gerdarzh

Eus ar ger latin gerundivum.

E brezhoneg

Komzet e vez eus tro-c'hraus e brezhoneg pa vez lakaet an araogenn o dirak an anv-verb (o vont), pe an droienn araogennel en ur (en ur vont) pa vez daou ober war un dro.

E galleg

Komzet e vez eus tro-c'hraus e galleg pa vez lakaet an dibenn -ant ouzh pennrann ur verb, hag an araogenn en dirak : en chantant.

E saozneg

E saozneg e vez lakaet an dibenn -ing ouzh lost ar verb. Gwechall e veze graet ar c'hemm etre anv-gwan-verb bremañ (saoz. present participle) en -ing, hag anv-verb (saoz. gerund). Hiriv, e-barzh A Comprehensive Grammar of the English Language ha The Cambridge Grammar of the English Language ne vez ket graet ken.

E spagnoleg

E spagnoleg, koulz evel e galizeg ha portugaleg, e lakaer dibennoù d'ar verb, ando pe (i)endo : cantando (o kanañ).