Gian Galeazzo Sforza

Gian Galeazzo Sforza, pe Giovan Galeazzo Maria Sforza ganet d'an 20 a viz Mezheven 1469 en Abbiategrasso, marvet d'an 22 a viz Here 1494 e Pavia, da 25 bloaz, a oa 6vet dug Milano e dibenn ar XVvet kantved.

Istor

Dug e voe war-lerc'h e dad Galeazzo Maria Sforza (lazhet e 1476), dindan renerezh e vamm Bona di Savoia (1449 - 1503) da gentañ, dindan hini e eontr Ludovico il Moro goude, met hennezh a dennas pep galloud digantañ.

Dimeziñ ha bugale

Dimezet e voe d'an 2 a viz C'hwevrer 1489 da Isabella d'Aragona (1470 - 1524), keniterv dezhañ, merc'h Alfonso, roue Naplez. Miz a-raok o eured e voe c'hoariet ur c'hoarigan anvet Festa del Paradiso (Fest ar baradoz) skrivet gant Bernardo Bellincioni, ha leurennet gant Leonardo da Vinci .

Pevar bugel o doe:

Ippolita Sforza (1490 - 1501), marvet da 11 vloaz;
Francesco (1491-1512),
Bona Sforza (Pavia 13 a viz C'hwevrer 1495 - Bari 19 a viz Du 1557) a zimezas d'ar 15 a viz Mezheven 1518 d'ar roue Sigismond Iañ Pologn, marvet dre ar c'hontamm roet dezhi gant he sekretour.
Bianca Maria (1495-1496).

E varv

Tennet e voe pep galloud digantañ gant e eontr Ludovico Sforza a oa levier de facto dugelezh Milan e-pad ur pennad.

Mervel a reas Gian Galeazzo e 1494 e Pavia, ha hervez an istorour italian Francesco Guicciardini a skrivas La Historia di Italia (hervez anv embannadur 1561 e Firenze):

Hervez ar vrud e oa deuet ar marv d'an dug Giovan Galeazzo dre re a abadennoù c'hoari daou ; koulskoude e krede kalz tud en Italia ne oa ket naturel e varv na deuet diwar c'hoantegezhioù met diwar gontamm ... ur medisin eus al lez ... a lavare en devoa gwelet sinoù a gement-se. Ne oa arvar ebet da zen e oa bet roet ar c'hontamm, ma oa diwar gontamm e oa, gant e eontr Ludovico Sforza ...

En e raok:
Galeazzo Maria Sforza

Duged Milano

1476 - 1494

War e lerc'h:
Ludovico Sforza