Inoxtag

Inès Benazzouz, anavezet gwelloc’h dindan e lesanv Inoxtag, a zo ganet d’an 2 a viz C'hwevrer 2002 e Levallois-Perret (Hauts-de-Seine) ; bevet en deus e vugaleaj e Orgeval (Yvelines), hag ur videoour ha streamer eo bremañ war YouTube. Sammañ a ra 9,8 milion a goumananterien war YouTube e miz Meurzh 2024.

Inoxtag

den

Reizh pe jener	paotr
Bro ar geodedouriezh	Frañs
Anv e yezh-vamm an den	Inès Dany Benazzouz
Anv-bihan	Inès
Anv-familh	Benazzouz
Lesanv	Inoxtag
Deiziad ganedigezh	3 C'hwe 2002
Lec'h ganedigezh	Levallois-Perret
Yezh vamm	galleg
Yezhoù komzet pe skrivet	galleg
Yezh implijet dre skrid	galleg
Micher	influencer, video blogger, online streamer, mountain hiking
Tachenn labour	mediaoù sokial
Implijer	Webedia
Bet war ar studi e	Q125970873, Q125901997, Q125970873

Inès Benazzouz

E 2015 en deus digoret e chadenn gentañ war Youtube, c’hoari a rae gant c’hoarioù video evel Minecraft, ha gant Fortnite eo deuet da vezañ brudet gant e vignon nevez, Michou ; goude-se en deus cheñchet e zoare videoioù ha graet en deus traoù a bep seurt er vuhez wirion. Bez' en deus bremañ div chadenn, Inoxtag gant 7,35 milion a goumananterien hag Inoxtag 2.0 gant 2,53 milion a goumananterien.

E vuhez

Studioù

Bet en deus Inès Benazzouz e vachelouriezh skiantel e 2020.

Red-micher

Embannet en deus e video kentañ  e 2015 diwar-benn Minecraft.

Krouet en deus an « Team Crouton » gant Michou e 2018.

E miz Meurzh 2019, Inoxtag a rae ivez videoioù war-eeun war YouTube e-pad ma c’hoarie gant c’hoarioù video, aozet en deus un tournamant Fortnite.

E 2020 e embannas e son kentañ, anvet « Mili Mili » evit e gentañ milion a goumananterien.

D’ar 14 a viz Genver 2020 e krouas ur chadenn a eilrenk anvet Inoxtag 2.0 evit embann videoioù all.

D’an 31 a viz Here 2021 eo pedet Inoxtag d’ar Z event, ha pilet en deus ur rekord gant 453 000 a arvesterien.

E deroù 2023 en deus disklêriet e oa o vont da grapat ar Menez Everest en nevezamzer 2024.

D’ar 5 a viz Eost 2023 e embannas ur video e-lec’h ma oa o krapat ar Menez Gwenn, hag ar Menez Cervin.

Raktresoù

D’an 18 a viz Du 2022 en deus krouet ur servijer Minecraft anvet OneCube ; serret eo bet d’ar 27 a viz Ebrel 2023.

D’an 2 a viz Mezheven 2022 eo aet Inès Benazzouz war un enezenn didud e Kambodja, gant div gontell hag all, tremenet en deus 7 devezh e-unan, graet en deus 3,5 milion a arvesterien dindan 1 devezh.

D’ar 24 a viz C’hwevrer 2023 en deus lâret e oa o vont da grapat Menez Everest gant Mathis Dumas, ul luc’hskeudenner anezhañ, ha tout ur skipailh, hep anavezout an alpaerezh, e nevezamzer 2024. Lâret en deus e oa pal pennañ e vuhez. Krapet en deus ar menez Gwenn hag ar Menez Cervin dija.

Rouedadoù sokial

Inès Benazzouz a zo ivez war rouedadoù sokial, dindan e lesanv Inoxtag ; bez en deus 4,9 milion a goumananterien war Instagram, 5,5 milion war TikTok, 1,3 milion war Twitch hag 3,4 milion war X. En holl, gant YouTube, en deus 25 milion a goumananterien.

Machoouriezh

E miz Gwengolo 2021 war Twitch en deus graet Inoxtag diskleriadennoù revelour e-tal 453 000 den. Hervez Le Monde, eo levezonet Inoxtag gant stereotipoù ar c'hourelezh.

Oberennoù

Sonerezh

Sonioù

• E 2019: MILI MILI
• E 2020: Funkinox (feat. Kazzey)
• E 2021: Barillo (feat. Vertugo, Manny & Zack) ; war e chadenn eil renk
• E 2021 : Pas b'soin d'toi (feat. La Sirène)
• E 2022: J'la connais, j'parle pas japonais ; war e chadenn eil renk
• E 2022 : Dans la zone

Kenlabourerezh

• E 2020: Michou, feat. Inoxtag - Rockstar (diwar an albom Ma Life eus Michou)
• E 2020 : Babakam, feat. Michou, Inoxtag ha Kodor - Ma commu
• E 2021: LeBouseuh, feat. Inoxtag ha Felckin - Pince

Filmoù-berr

War e chadenn YouTube

• E 2021 : CUBE de Basile M