John Boorman

John Boorman a zo ur filmaozer, produer, eilproduer, senarier ha c'hoarier breizhveuriat, ganet d'an 18 a viz Genve 1933 e banlev Londrez e Shepperton (Rouantelezh Unanet) er Middlesex.

Red-buhez kemmañ

Ul lodenn eus e vugaleaj a dremen John Boorman e-touesk ar Jezuisted, met puket eo e yaouankiz dreist-holl gant ar bombezadegoù e-pad an eil brezel-bed, trubuilh a vo eñvoret diweshatoc'h en e film Hope and Glory (Goanag ha Gloar), an hini emvuhezañ e holl filmadurezh. Levezonet e voe kalz gant oberenn Carl Gustav Jung, e zamkanadenn war ar gwengeloù e-giz diazezoù bev ar gevredigezh hag ar psikologiezh hiniennel ha strollel peurgetket, mennozh a dreuzpar en Excalibur (kaledvoulc'h) da skouer. Ouzhpenn-se e laka oberenn John Boorman keñver-ha-keñver skeudenn ar gwengeloù gant ar gwirvoud, o klask a wechoù o disevel pe lakaat war wel o goulloder. Mojenn ar goueziad mat a zo bet gwall lakaet gant Deliverance (Dieubidigezh), da skouer, a ziskouez penaos e c'hell un dro-vale war ganoe he fal ekologel donet da vout un distro d'ar gouezder-orin e-kreiz un natur enebour.

An deroù kemmañ

D'e driwec'h bloaz e teu da vezañ filmvarnour e kelaouennoù arbenniket hag e kemer perzh da abadennoù skingomz zo war an heñvelep danvez. E 1955 eo frammer evit ur chadenn skinwel prevez, goude e sav teulfilmoù evit ar Sourthern Television. Er BBC e sav un heuliad poltredoù diellek, Citizen 63 ha The Newcomers en o zouesk.

Savet en deus e film hir kentañ, Catch us if you can, (Tap ac'hanomp ma c'hellez), e 1965. Bec'h ar film-mañ a laka anezhañ da vont da labourat d'ar Stadoù-Unanet e-lec'h ma leurenn Point Blank ha Hell in the Pacific (Ifern er meurvor Habask) a laka anezhañ da zont da vout brudet er bed a-bezh. Distroet da Vreizh-Veur e seven Leo the last, ar film a dapas Priz al leurennañ gantañ e Cannes e 1970. War-lerc'h e sav Deliverance (Dieubidigezh), Zardoz ha Exorcist II : The Heretic (Ar Stolier 2 : an disivouder) a gadarna e vrud a filmaozer meur. O sevel filmoù leun a feulster hag hollwashaer an holl anezho e taolenn ur bed didoue e-lec'h m'emañ Mab-Den, kondaonet da gantren, o stourm a-enep d'an Droug.

Buhez prevez kemmañ

Daou bugel en deus bet John Boorman : Charley Boorman, c'hoarier ha reder-bro, ha Telsche Boorman, senarierez ha c'hoarierez saoz ganet e 1957 e Londrez hag aet da anaon d'an 11 a viz C'hwevrer 1996.

Filmadurezh kemmañ

Filmaozer kemmañ

Skinwel kemmañ

1964: The Newcomers (heuliad)
1985: Journey Into Light (teulfilm 40 munutenn)
1995: Picture Windows(heuliad berr) (pennad Two nudes bathing)
1998: Lee Marvin : A Personal portrait by John Boorman ( teulfilm 55 munutenn)

C'hoarier kemmañ

Raktres kemmañ

E miz Du 2008 e kas keloù e fell dezhañ sevel ur film bevaat awenet gant romant L. Frank Baum, Strobineller Oz.

Prizioù kemmañ

Priz al leurennañ da geñver festival Cannes 1970 evit Leo the last.
Gwellañ skodenn arzel e Festival etrebroadel Cannes e 1981 evit ar film Excalibur.
Priz ar gwellañ filmaozer en NSFC Award evit Hope and Glory e 1987.
LAFCA ar film gwellañ e 1987 evit Hope and Glory.
Golden Globe Award evit Hope and Glory e 1988.
Priz al leurennañ da geñver festival Cannes 1998 evit The General.
Priz ar gwellañ filmaozer e London Critics Circle Award evit The General e 1999.

Liammoù diavaez kemmañ

John Boorman war IMDb